Aṣaḍuf n idammen seqdacen Waɛraven di Tferka taɣerbit (I)

Aɛraven seqdacen idim ixellen ak d yegduden i ɣer zedwen* akken ad selhun actal-nsen. Imrigen-nsen* igejdiyen* isertanen* d wigi:

a) Timsertit tanilsit*
b) Asinmel gar tutlayt d tayeḍ (amaziɣaɛrav)
c) Aseqdec n ddin ineslem seg webrid n tsertit s wudem taɣelnaẓṛit*
d) Taneggarut, tawsengimt* n uɛeṛev af yiwen uburer*n iswi: zdukel daw usenǧaq* n adrum n tnislit* neɣ n waɛravineslem, igduden am Imaziɣen ak d Ikerdiwen akken a ten-arzen s wadda n tuṭṭift* n uɣmar-nsen*. Imeskaren-agi* i d-bedreɣ i yesbedden* abuḍ* amasan* akken ad awḍen ar tagara-nsen.

Dagi illa wegdud afersi* i yetqeddmen, i ten-yeǧǧan ar deffir d leqrun xas akken ula d netta isar-d yiwen wakud anida ula d agdud afersi-agi yeɣli zeddaw n uzaglu n tewsengimt* n waɛraven, acku ula d nutni qedcen, xedmen af yedles n taɛrabt d ddin ineslem u saẓen xilla tusna d tɣerma* n tutlayt n taɛravt. Asmi i d-ukin si leqrun, si meɣrud i ten-yewten, uɣalen dkewlen-d, ukin-d, bedden am yiwen ar yedles-nsen, win illan d ayla-nsen armi tagara ucrafen-d af imnekcem* yewwet a ten-yerr ar deffir-s amma a ten-id-yeǧǧ.

Talɣa-agi n usexdem n ddin-nsen i sedduyen s tsertit, d wagi i d amutur-ines, d azuren-ines*. D wagi i d iswi-nsen akken ad snernin amḍan-nsen u ad selhun* adger i ten-yecban. Ṛṛay-agi iban-d akken ad gerzen timellit-nsen* akken ad ssiwḍen aswir* n wactalen i d-yusan nnig yegduden n umaḍal* i yfehmen.
Lmeqsud n usaɛli-yagi, mačči af idammen-nsen i kkaten amek ara ten-fferen, maca af tutlayt d ddin-nsen si ttzuxxun.

Ayagi amma d Aɛraven neɣ d imtɛarben d temtɛarbin, umnen, tḥeqqen s taɛli n tutlayt-nsen yifen meṛṛa tidak n medden.

Ur d-ttemmeslayeɣ ara af tutlayt tamaziɣt, anda mazal ar tura imtɛarben d temtɛarbin ur tteḥsiben ara gar ttutlayin timeqranin i yessuẓan tamusni ar zzat, maca d “llehǧa”, akken is-qqaren, ur nesliḥ i wacemma. Ula d kra n iqvayliyen iddeyyaniyen (ixuniyen), lecyax n tuddart, atg,.. Igad yemmalen, yemmaren s tusda ara tama n ddin ineslem am cix Rabaḥ n Lǧemaɛ Ucafaɛ (tama n Uzeffun). , inna-d deg awal-is: “tutlayt-agi-nwen ur tesleḥ ara ula i tyessawt”. Neɣ diɣen “acu-t wazul-agi-nwen iɣ-d-snulfam ?”(01).

Taɛli n tutlayt, d asnulfu n tmacinin, d imusnawen am Goethe*, d imaruyen imeqranen nniḍen akk yellan si dunnit. Mačči d zzux n lekdubat anda ik-qqaren belli “lluɣa yagi-nsen tuder-d seg igenni” deg usafsar nni n uqran i wumi qqaren “nnesxa” (yensex, meḥsub yura). Mačči akken ik-qqaren nutni : “yeɣli-d deg igenni”yura-t ufus n Yillu ». Taɛravt-agi-nsen erran-tt “ttutlayt tuɣrist”, acku tettwura s ufus n Bab Igenwan* (akken d-nnan). Qqaren-ak deg umedya: “akeddib, kra ma meqqer, yettaɛdday s susihel”(02).

Kra n wid yumnen s tkerkas-agi n “tutlayt tuɣris” deg uqran, akk-a am kra seg Iqvayliyen d imaziɣen sumata, maca actal aɛrav, ur yekka ara deg anect-agi. Actal neɣ idim-nsen, werǧin illa ula yiwen umdan deg dunnit ara ten-yamnen belli yelha. Acuɣer? Axater, ttwalin-ten, ssnen-ten, jerreben-ten deg dunnit meṛṛa. Ur tufiḍ s wacu ara d-zuxxen s umdan aɛrav-ineslem. Yernu, ma Yillu yessawel-d i Muḥemmed s tutlayt-is, acku d aɛrav i yella. Lukan iluɛa-d acinwa, tili s tcinwatt ara s-id-yenṭeq. Ihi, taqṣiḍt agi n uɣris, d tikerkas; ma tutlayt taɛrabt ttuɣris, acuɣer tayeḍ n tutlayt ala ?
Am akken twalam, ayagi akk d tikellax s ɣur Muḥemmed-agi-nsen. Yugi terǧima n uqran, iḥettem imdanen ara yamnen s nnesxa-ines ad llemden kan s tquricit* neɣ s tesɛaudit. Netta iswi-ines yuɣ lḥal yuddi-tt akken ad yezraɛ, ad yessemɣi, ad yesfukti tutlayt n wactal aɛrav. D wagi i wumi qqaren tanmukda* tanilsit*.

Yernu, alukan sexdamen allaɣen-nsen Iqvayliyen yemmalen ar tneslemt, alukan ixecxacen-nsen ččuren d ayen yelhan, mačči d alim (ilem), tili ad walin amek « Allah » agi sen yesselmed imnekcem i d-yusan aten-yestaɛmer, asen yerr azaglu :Retour ligne automatique
– Acuɣer ur d-iceggaɛ yiwen si lǧens zeddigen, icebḥen ? Acuɣer ur d-iceyyaɛ ara Asuyidwat*?, Amarikani* neɣ Ahendi*?, atg…

– Amek armi krad* n deyyanat (tudayt, tamasiḥt d tneslemt, lulent-d i meṛṛa seg yiwet n temnaḍt di Cerq Alemmas ? Amek armi mačči anida nniḍen ?
Asmi ara fehmen akk ayagi, ass-nni ad telhun d tutlayt-nsen ad teǧǧen aɛbad* n widak i d-yusan a ten-smehresen* akken tutlayt-nsen ad terren d celḥa, nutni erran-ten d cluḥ; imiren ad ifak fell-asen lhem d ddel d lekni n uqerruy zzat n wid ifen di yal tamsalt deg dunnit.

Amawal :
Zedwen: frotté
Imrigen: armes
Igejdiyen: principaux
isertanen: assimilateurs
timsertit: assimilatrice
tanilsit: linguistique
Asinmel: mariage
taɣelnaẓṛit: nationalisme
tawsengimt: ideologie
usenǧaq: banniere
uɣmar-nsen: domination
Imeskaren-agi: facteurs
timellit: performance
yesbedden: constitue
abuḍ: base
amasan: essentiel
afersi: perse
taɣerma: civilisation
azuren: energie
selhun: perfectionner
aswir: niveau
umaḍal: monde
llehǧa: dialecte en arabe
Goethe: grand philosophe allemand
Bab Igenwan: Dieu
taquricit: dialecte arabe d’une tribu en Arabie saoudite
tuɣrist: sacrée
tanmukda: imperialisme
Asuedwat: suedois
Amarikani: Americain
Ahendi: Indien
krad: trois
smehres: coloniser
aɛbad: idolatrer

01) Walit adlis n Mas Abdellah Bounfour: le noeud de la langueRetour ligne automatique
02) Wigi d imeslayen n Cix Rabaḥ -Cix asalafi di ssuq n ldjemaa Retour ligne automatique
03) Un mensonge, plus il est gros, mieux il passe. Retour ligne automatique
04) tawsengimt: idéologie (voir amawal de Karim Cherief chez Richa Elsam)

Soyez le premier à commenter

Laisser un commentaire

Votre adresse de messagerie ne sera pas publiée.


*