Aṣaḍuf n idammen seqdacen Waɛraven di Tferka taɣerbit (III)

Aɛraven, s ubeggen-agi-nsen, sulin, saɛlin ar tqacuct actal « inefki »* imi tutlayt-nsen d « awal n Ṛebbi » ( akken qqaren), ma d Illu i d-ifernen imceggaɛ-ines d Muḥemmed i kra yellan d amdan deg umaḍal. Aɛraven-agi ak d imtɛrben d temtɛarbin, fesren-d* i medden meṛṛa taɛravt-nsen i kra n wid yebɣan a ten-id-walin. S wayagi, akken ad beggenen, ad sbinen iman-nsen belli actal aɛervi yif akk tijudwa n yegduden.

Ma d iɣerfan i ṣawḍen ad senselmen, ha-kan akkagi, am akken s ilergin* ttwaneγlen akk s ddaw n uɣamar-nsen* anida tudert n yegduden-agi, ur tettwaḍmen ara i lebda.
Ma d kra deg-sen, imi ttwaɣeḍsen* seg ayendin n lleqrun uya, yewaɛr-asen assazekka ad d-uɣalen ar dunnit am yegduden nniḍen. Wigini fi d-mmeslayeɣ akk-a tura, d Imaziɣen sumata i Tferka taɣerbit, imi ula d nutni atnad dima deg tcerkett n imnekcem aɛrav-ineslem, yeẓẓan tikti-s di tmurt, isetruzi acḥal d amelyun n umdan amaziɣ ar uctal-is, am akken d-nniɣ-yagi deg uḥric d-fkiɣ. Imaziɣen akken llan atnad deg unusru* yettziden dima, ayen ara ten-yawin ar nnger, n uzgef* lebda.

Ifersanen* akk d wiyaḍ deg umaḍal, rran ẓẓerb s usemxalef gar nutni d imnekcem s ddin ineslem erran d acuɛi. D wagi i d asefreg akken imnekcem aɛrav ur sen-yufa ara abrid akken ad qqimen ilebda ddawa n uɣamar* asaɛudi. Ula d nekni s imaziɣen, naɛreḍ, nemḥaḥed akken kra n leqrun a nerr tin i wumi qqaren « taxariǧit ». Ula d tagi am t cuɛit n Ifersanen. Tga d asefreg, d acraḍ, d aḥareb af laṣel, tutlayt d yedles nneɣ, gar-aɣ d nekni d ubeṛṛani mgal asserti adrum-tanilsit.

Ifersaniyen agi fuggeren* anda wiyaḍ xesren*. Sawḍen ad sudfen* ula deg aɛraven ar tciɛit-nsen am kra deg Ilubnanen, seg Aɛraven n Golf, amur ameqqran deg Iɛiraqen, , atg…
Assagi zemren ad ɛeggnen, ad zuxxen zzat n yinselmen isuniyen d nutni i d imẓẓulla akk gar inselmen n umaḍal sumata. Damen-asen talblaḍt i Waɛrav en akken yelzem:
a) gan-d asefreg gar-asen d imnekcem aɛrav.
b) gan d ideyyaniyen nnig imẓulla inselmen sumata.
Dagi, imnekcem aɛrav , mačči yezmer ad d-yini awal af uya, acku ṭṭfen di ddin ineslem akken i wata yernu gan-d ṣṣur i ten-iḥudren af nnger uzekka.

Aɛraven isuniyen, erran iman-nsen d nutni i d iddeyyaniyen akk gar inselmen deg dunnit; gar-asen llan ula d imtɛrben d temtɛarbin agi n Tferka taɣerbit. Ar wigi, ulac win i yqerven ar Yillu am nutni, xas akken Aɛraven Iseɛudiyen werǧin qeblen-ten ad kkin deg actal aɛrav. Qeblen-ten ad ilin dima ddawa-nsen, amma di laṣel, amma di tmusni, acku ugin-ten, ḥesben-ten d ikrac.

Dda Muḥend yeqqar-d deg awal-is: « Aɛrav mi t-id-ɣelbeḍ di kullec kan ak-yini : « yak Nnbi d aɛrav (01). Kra n lɣaci mazal-iten ur netɛerb ara, ar ass-a ḥesben iman-nsen meḥqurit zzat n imtɛarben d temtɛarbin, acku mazal umnen s wawal imceggaɛ n taɛravt. Ḥeqren iman-nsen af demma n tneslemt, imi tagini d ayla n waɛrav d imtruziyen-agi illan ɣur-neɣ. Deg-sen Imaziɣen agi n Lmerruk, d Icawiyen d wiyaḍ. Ala Iqvayliyen d Imucaɣ ur n kennu ara zzat n imtɛarven ɣef demma n tneslemt. Ayagi d ayen i ybanen am aman n umizab.

D tagi i d sebba armi aqla-ɣ ar ass-a lla nttezzi, nttenneḍ armi nugi ad naɛqel d acu-yaɣ. Af ayagi i si Aɛraven ak d imtɛarben ɛewwelen-d a ten-kemmen, s uwsengim* taɛravt-tanilsit*.

Taẓuri-nsen* tebna af lḥers d bessif akken ad ddmen awal aɛrav. Ayagi d ayen i d-yeḍran-yagi, acku deg lketra n iɣerma i Tmazaɣa meṛṛa mmalen ar tegnawit, maca xas akken ur tella yara d tutlayt n taɛravt. Widak i tt-ihedderen, ḥesben iman-nsen seg actal aɛrav aḥeqqani. Wali-t kan yal tikelt ara temmeslayem d imtɛareb neɣ d timtɛarebt, ak-ini : « nekni nusa-d si Sɛaudi, newwi-d aqran akken ad tuɣalem d imdanen », yak d nekwni ikwen yesɣermen*, neɣ tettum tura lxir i wen-nexdem… ? ». D wigi i d awalen yezgan deg imawen-nsen (02).

Seg asmi i tefra lgirra gar-aɣ d ufrasis ar ass-a, tagnawit n imtaɛrben d temtɛarbin tuɣ tasga deg tmurt n Tefrka taɣerbit. U yernu, am akken d-nniɣ di yal aḥric af uyagi : d imaziɣen-awal i yuɣalen d iberraniyen, i yetruzan ar tegnawit n imnekcem agebliw. Tinna akk i ten-yuɣen meṛṛa, anida ak-tent-issɛareq a bnadem: « ẓran, ɛalmen belli ur llan ara d aɛraven, acku tutlayt tasɛudit werǧin yefhem-itt imtɛareb d temtɛarebt alamma yelmed-itt deg uɣerbaz; maɛna xas akken qqaren-aɣ-id : « Nekwni d aɛraven i nella ! ».

Aɛraven agi n tkellax n tmazɣa, af lǧal n imaziɣen i yuɣalen fell-aɣ d ixṣimen. Akken llan meṛṛa am urgaz am tmeṭṭut kkaten akken aɣ-setruzin ar tjaddit d tegnawit-nsen. Yal yiwen yuɣal d ameɣnas af ayagi.Retour ligne automatique
Di Fransa anida teddiḍ d iqvayliyen i yeqwan, si zik ar tura, maca yiwen imtɛareb neɣ taqeddact timtɛarebt deffir n udekkan* n lqahwa n uqvayli, imiren kra yellan d aqvayli ad yettmeslay s tegnawit-nsen. Akk-a tella teswiɛt, ur tbeddel ara ar tura (03).

Lemɛani n dunnit
01) Quand un Arabe est à court d’arguments, il te dira: le prophète est arabe !
C’est à dire qu’il est de la race de Mahomet, donc il est au dessus de ceux et celles qui restent encore accrochés à leur religion qui n’ est rien d »autre qu’ une doctrine de domination mentale.

02) Illa yiwen umɛallem aqvayli, d amenzu i deg lqahwa-s tutlayin i ttwaqeblen: taqvaylit ak tafransist. Win ara yessiwlen kan s tegnawit, werǧin as-id-yesservi tissit. Maca argaz agi d Mulud At Wannec i yellan deg tansa : 02 rue d Oran 18 Paris deg useggas n 1975. Mara d yesɛaddi lanonce deg uɣmis france soir, mara yettnadi asewway, yesrusu deg-s: « cherche cuisinier parlant berbère ». Di le jukebox-ines, llan kan iḍevsiyen s teqvaylit, tegnizit d tefransist.
a) Ar ass-a, imaɛllmen iqvayliyen sawalen tagnawit u sexdamen wid i yugin tutlayt nneɣ ad ttidir deg tmurt-is. Amɛallem aqvayli ilaq as ad yemmeslay s teqvayli i kra n win ara yessexdem, acku d netta is-yefkan aɣrum.
b) Ar ass-a, qlilit iqvayliyen yettarun zzat n tḥuna-nsen s tutlayt nneɣ. Muqleɣ deg Iɛaẓugen, aẓeffun, tigzirt; ur walaɣ ara ula d yiwen.

03) Tella yiwet n tmerrukit txeddem ttaqeddac ar yiwen n Uqvayli. Lqahwa yagi tura sdermentt, amkan nni yuɣal d tamezduɣt
Amɛallem ur d-yettas ara alamma d 15 h n tmeddit. Imaren taqeddact ad tekcem s axxam-is. Kra yellan d amezdaɣ deg usensi nni d aqvayli. Ala nettat i ttaɛravt. Tekzem iyi tkeffart ar kra win ara d-yadren ar lqahwa ar s tegnawit n tmerrukit ara yehder ! Ala nekk. Asmi twala ḥerseɣ-tt, ur s-heddereɣ ara s taɛrabt-is, dinna yiwen wass kan tembaɛzaq-d fell-i am lbunba. Tenna-k : nekk ur fehmeɣ ara taqγaylit-ik, tura akk-a d asawen a yid-siwleḍ s taɛravt neɣ ur k-in-servayeɣ ara d acu ara tesweḍ!
Nek imiren, ur as-ǧiɣ ara, susmerged, nniɣ-as ula d nekk : Ihi ma ur tebɣiḍ ara ad tesleḍ i teqvaylit-iw, ruḥ s yagi ! Ṣubb kan ar ubulbar agi n wadda ad tafeḍ leqhawi n watmaten-im ad txedmeḍ dinna !

Amawal:
inefki: élu
fesseren: exhiber
umaḍal: monde
ilergin: magie
ɣamar-nsen: domination
ttwaɣeḍsen: submergés
unusru: déclin
uzgef: disparition
Ifersanen: perses
taxariǧit: tineslemt i Tɣerdayt
adrum-tanilsit : ethno-linguistique
fuggeren: reussir
xesren: échouer
sudfen: integrer
uwsengim: ideologie
taẓuri: technique
udekkan: comptoire
yessiɣremen: civiliser

Soyez le premier à commenter

Laisser un commentaire