A wi iddren

A wi iddren tudert n lxir
Ad yaɛzel af iɣilifen*
A d-tizdig tegnitt di zzhir
N iɣuraf iẓeṭṭen lhem
Acmumeḥ* ɣef wudmawen ad yifrir
Γef wul ad yezg ussirem
Allaɣ ad ilhu d tmussni
Ad iddu di lǧerra-nsen*
Widen akken aɛzizen ɣef Ṛebbi
Inaẓuren d imusnawen

A wi iddren tudert n smaḥ
Ad isfeḍ lɣel* d ddnubat*
I talwit ad llin lelwaḥ
Yal yiwen ad ifẓrez* lewqat
Allaɣ ad ilhu d tmussni
Ad yaǧǧew* si lɣella* -nnsen
Widen iɛawzen* di cctawi*
Γef wiyaḍ akken ad reyḥen

A wid iddren tudert n lḥub (tayri)
Ad istummen i yijeǧǧigen
Abeḥri n lǧennet ad ihubb*
Ad tiqabel ger yifassen
I zwaǧ-is ad irnu afud
Ad kksen akk wuguren
Allaɣ ad ilhu d tmussni*
Ad irfed laɛlam (senǧaq)-nnsen
Widak isedqen iẓri
I wakken arrac ad ẓren.

Amawal:
iɣilifen: difficultés, problèmes
Acmumeḥ: sourire
lelwaḥ: les portails
ifẓrez: observer, distinguer, voir
lǧerra: traces, repéres
yaǧǧew: mesure, achat de, (zzit, awren, atg)
cctawi: hiver au pluriel. (tigrast)
iɛawzen: veillée nocturne.
ihubb: grand souffle d’air. (hubben-d leryah)
tmussni: le savoir, la connaissance, la science.

I kunwi sumata:
* Asefru yagi n Mas Yeḥya Yanes. Nehdat i ymusnawen d imɣnasen nneɣ sumata i yefkan tudert nnsen seg asmi llan d imectaḥ; akken tudert n imaziɣen ad tiẓid u ad teǧǧuǧeg si tlelli. Ur n tettu ara atmaten nneɣ di Temẓabt i yettidiren deg ddel n imnekcem aɛrav-ineslem.

Soyez le premier à commenter

Laisser un commentaire