Am akken d idelli, yennayer gg ilindi…

Necfa f tezlatin-ines, mazal-itent ddawarent deg qqaruyen-nnegh.

Isem-is tagrawla, isem-is tilelli. Atas i_yecna f izerfan n wemdan, f izerfan n tmettut, f lihala n tmurt…

Atas, atas… Atas i gh-iruhen seg mi_yenfa BRAHIM IZRI s ghur-nnegh Idelli yebb°ed usegg°as seg mi yemdel Brahim di taddart-is (At Lahsen – At Yanni). Yemmut akken kkan yebb°ed xemsin, ur yuklal meskin, netta yetdafa€en atan-nni, winna i t-isseghlin, m’akken itheggi adebsi ajdid.

Brahim yeddukkel d imeqq°ranen n lfen nnegh mi tebda akken i s-neqqar : « la musique engagée ». Ger-asen : Djamel Allam, Idir, FERHAT d widen yak° ibeddlen udem i yedles amazigh. Yella deg wid ibeddlen dighen tanumi kesben ifennanen leqbayel nnegh, ixeddmen wehhed-sen tizlit kamel. Netta ixdem atas ak° d ighennayen niden ama d leqbayel (IDIR) ama d iberraniyen (Maxime LEFORESTIER). Lgherd-is a d-yessufegh azawan aqbayli si temduct-nni gi-t-sseghlin wid tenfa€ teswi€t…

Yella yiwen xas ulac-it yella… Yiwen d keçç a Brahim.

Awi la€fu ay amnay, baba behri deg-nnegh d imezgi…

Tayirat

 

Soyez le premier à commenter

Laisser un commentaire