Ameɣnas deg imezwura (I)

Iẓuran: – Muḥend Aɛrav yerra-ak tajmilt tameqrant deg udlis nni ines aneggaru i d-yessufeɣ :”Amezruy n Wegraw Imaziɣen”. Inna-d belli kečč txeddmeḍ ayen ara xedmen mraw* medden.

Slimane: -S tidett, yerna meẓẓiyeɣ di lawan nni, ɣur-i aṭṭas uzaɛbeṭ*. Ad ilint azal n sin igima* n leqhawi di Lpari kan, ṭṭfen-tent meṛṛa iqvayliyen. Nxeddem tizdiwin*, nferreq ilɣa* neɣ neznuzuy aɣmis n Wegraw i d-itteffeɣen yal ayur. Nebḍa Lpari d timnaḍt*, yal ddurt nelha d temnaḍt nni. Llan ilɣa n demma i yefransisen akken aten-id-nesfiq af taluft n imaziɣen, nettawi yasen-ten ar tebwaḍin n tebratin n ixxamen-nsen.

Iẓuran: – I Muḥend Aɛrav, iqeddec yidwen ula d netta?

Slimane: – Kra nexdem iɛawen-aɣ deg-s. Ur yettḥettim yiwen ad yeqdec. Imdanen ttasen-d iman-nsen, win ig zemren i kra ixdem-it, daya !
Xas akken Muḥend Aɛrav yehlek turin-is, werǧin yezgel ula yiwet n tufɣa yid neɣ, amma d afraq n ilɣa neɣ lbiɛ n weɣmis. Akka “izerraɛ awal n takwayin, yettbeccir* awal yelhan alamma yeɣli-d yiḍ”. Mara naweḍ ar lqahwa taneggarut a nečč imensi akken din jmiɛ.

Iẓuran: – Amek iken d-ttqabalen medden?

Slimane: – Ur aɛdilen ara yemdanen ar a naf dinna. Teẓram amur ameqran deg iɣriben nneɣ ur ɣran ara, ɣas akken aɣmis yeswa kan yiwen n frank, ur zmiren ara ad teɣren.

Cfiɣ yiwen wass kecmeɣ, yiwen umanag isuter iy-id azal n uɣmis. Rriɣ-as belli yeswa ala frank. “Dɣa yerfa, yenna-k : “d aya kan i teswa teqv aylit ? Anti mraw frank!”

Yiwet n tikelt nerra ar Lpari idis n 13em ar place d Italie. Nekcem di tlata yid-neɣ : Hmed Verquq n Uẓeffun d wayeḍ umeɣnas ak d nekk ar yiwen “usensi d tberna” n yiwen umerkanti ameqran n Vuɣni. Nessers iɣmisen nneɣ af ukuntwaṛ, nekmandi tlata leqhawi. Nufa ala sin imsaɣen* daxel n lqahwa nni. Nwehha* i umɛallem ma ad yaɣ yiwen weɣmis n frank. Irra-yaɣ-id s wawalen agi: “Nekk ul lliɣ d amaziɣ, ur lliɣ d aɛrab !”….

Amawal:
mraw: dix
azaɛbeṭ: fougue
igima (agim): mille
tizdiwin (tazdawt): tournées
ilɣa (alɣu): tracts
timnaḍ (tamnaḍt): zones
yettbeccir: prêcher
idis (idisan): arrt.
asensi : hotel
ttberna (ttbernat): bar
imsaɣen: clients

Soyez le premier à commenter

Laisser un commentaire

Votre adresse de messagerie ne sera pas publiée.


*