Ameɣnas deg imezwura (II)

Iẓuran:-Ma yella wanda i ken qurɛan af leqdic-nwen ?

Slimane: -Agraw Imaziɣen ɣur-s ttesriḥ, ulac win i yzemren ad t-id-iquraɛ ur ixeddem ara leqdic-is. Maɛna icenga ar temsalt nneɣ qwan, abaɛda tiddukla n le FLN n izayriyen di Europe (A.A.E) , ulac akken ur texdim ara bac a tthudd tirmaḍ* nneɣ. Dɣa mara nexdem timeɣriwin, tessuddus* timeɣriwin-ines am nekni : yiwen wass, yiwen n temrilt* ula d nettat. Ass n lgala, Tettquriɛ irezzafen* mara d-tteffeɣen seg imi n umiṭru. Tettarraten, teqqar-asen uɣalet s ixxamen-nwen; bac ṣala n tmeɣra nneɣ ur teččattar d irezzafen. Anagar wid yellan d imeɣnasen neɣ wid ur nettugad ara ibaṛbuten* n massa lamikal i yettɛaddayen deg ucebbak-nsen.

Iẓuran:- Anwi wigi akk i d-temliliḍ di talit nni ?

Widag akk yezgan deg Wegraw n Imaziɣen, zemreɣ a d-iniɣ illa: Velkacem Ijeqwan, anaẓur Farid Aɛli, Ḥemmic Muḥend u Saɛid seg Iflisen n llebḥar, Verquq Ḥend n Uẓeffun, Mesṭafa Bunab d Uwcic Mesṭafa n Sidi Ɛic ak d wiyaḍ, ttuɣ ismawen-nsen. Llan daɣen terbaɛt n Vincennes ig qeddecen dinna am Ḥend Saɛdi, Mbarek Reǧala ak d Muḥend Uyeḥya. Ssufuɣen-d aɣmis imi qqaren: « tisuraf ». Ineɣmasen-agi ttasen-d ar Wegraw ula d nutni. Tikwal neddukul akken yid-sen ntett-d i tayram* n tesdawit n Vincennes.

Llan waggagen* i d-yettasen ar Wegraw Imaziɣen ?

Ula, ur walaɣ ara ula yiwen, ala inelmaden i d-yettasen, am akken d-nniɣ llina, Muḥya d Ḥend Saɛdi. Lmulud Mɛammri werǧin iger-d aḍar-is ar dinna, yernu yal tikelt, Muḥend Aɛrav yellum-d deg-s imi ur d-yefka ara iman-is akken iwata af taluft agi iɣ-yerḥan sumata. Iḥulfa-t am akken ṣemmeḍ af temsalt-agi. Yernu yezmer ad yexdem xilla a lukan yebɣa af imaziɣen. Muḥemmed Ḥerbi yusa-d yiwet n tikelt. Bɣiɣ niqal at-ssakiɣ af lecɣal agi, dɣa yenna-k : »vous prêchez incovaincu ». Iwwet-d deg inhilen* n waɛraben yernu yenna-k : »ula d nekk d amaziɣ ». Nettwali-t deg tesdawiyin anida * ismessuy isurag*. Illa daɣen Malek Wari iɛemmeṛ isurag ula d netta di Vincennes.

Amawal:
tiddukla: organisation
AAE: amicale des algériens en Europe
tirmaḍ: activités
suddes: organiser
tamrilt: heure
irezzafen: les visiteurs
ibarbuten: barbouzes
tayram: restaurant
aggagen: intellectuels
inhilen: régimes
ismessuy: animer
isurag: conférences:

Soyez le premier à commenter

Laisser un commentaire

Votre adresse de messagerie ne sera pas publiée.


*