Amsawal n Ulhim (I)

I lqarub n temdint n Samari i d-yemɣin i taddart n weɣbaṛ* ur d-nettban i tmuɣli. Imezdaɣen-is d wid seg n wedrum n taɛrift* n Hirud* Gan akk d imṣabanen imbehnas*; ssarden udmawen nsen s useɣwen, leḥya d lḥecma ɣabent ar ɣursen. Ajjeḍ* nsen i isefk fellasen ad sucefen surat nsen yiwet n tikelt deg ddurt i meṛṛa kra yellan ɣef tikelt, argaz tameṭṭut.

Yiwen wass, illa umṛabeḍ isem-is Bulla, ikcem ar taddart agi. Ddan-d yides sin n ixiniyen (imẓulla) ak d uqcict n talilt* n xemseṭṭac n iseggasen. Bulla iga tamawt, iwala irgazen ak ttlawin ttheggin iman nsen ad ruḥen ar teqa* nsen terkeb-it yiwet n lḥecma d leḥya s wayen i yettwali; dɣa irfed allen d urawen-is yaɛna ɣer Sidi Ṛebbi, inna: “A bab igenwan…! A win I yxelqen swaḥel d igenwan d lebḥuṛ, is inna, yuɣal inteq ar ɣursen, inna: -init-iyi-d, d acut aggi * ajeggaḥ* ufḍiḥ am wagi iken iblan?

Inṭeq-d ar ɣursen yiwen uterras, inna: -Ay abeṛṛani, d acu i twalaḍ d lefsad neɣ lexṣaṣ si tilianin tigerramin* agi nneɣ ? Yak ulac degs kra n laɛib ma ngen ak ttlawin nneɣ seg yiwen n wussu; acuɣer dayen n ddir ma newwi-tent ad sucfent ak yid neɣ ?

Amṛabeḍ iseqsat: -Maca, anwa wagi it-ɛabdem ?
- Aqlaɣ, is yerra winna, nekni d ineggura si taɛrift n Hirud, akawat n Sidna Ɛisa Nekni aqlaɣ d imasiḥen u “s usaɛli n wawal” ara d-nini seg imastanen* n tmasiḥt taḥeqqanit. Amṛabeḍ Bulla yenneqḍaɛ deg-s wawal, ibren ɣer deffir-s ar ṭṭelba it-id iḍefren, inna: “yak d ayen twalam, mačči deg ubrid n tidett illan…!?

Ṭṭelba rran-as-d akk fiḥel ttexmam : “Atan ulac kra n ccek, deg ubekkaḍ* ittɛummun !”

Akken d-iɣli yiḍ, Bulla iger iman-is ar tlemmast n uḥḍun n izeyyaṛen, dɣa ikcem ar daxel n lemqam*. Di tzeqqa tamezwarut n lmeḥreb, iḍher-as irgazen d tlawin, segmi i ṣenṣalen akk iceṭiḍen nsen, ruḥen, akken i d-ffɣen tikelt tamezwarut i tɛbbaḍ n tyemmatt nsen, teddun ar tama i d-ittaken ar tmedwa. Meṛṛa, win-d ɣef iqerray nsen tiɛeṣṣabint* n ijeǧǧigen. Teqqim ak taḍsa d yezlan, lxalat lla sčenčinent ixelxalen d imeqyasen n ssdeq n ddheb d lfeṭṭa.

Akken iruḥen irkell, iqqim-d umṛabeḍ ittḥebbiṛ ɣef ayen i d-iwwi at ixdem. Ma iwwi-d ad iḍfer lhemm ar tɛabbuṭṭ n yemma-s neɣ a d- yeqqim kan s lewhi ad iqqar taẓallit ?

Mcawaren garasen amṛabeḍ d ṭṭelba-s qeblen ma tkemmel tagatt* akk ilaq-asen issin ansi i d-ikka akken as yaf iwaṭṭan ddwa-s u labud an ṣubb ar temdunin ma nebɣa an neslek imcicaf. Maca, aɛessas n lḥemmam iger-d iman-is, inna : -Ay amɣar, nddereɣ deg-k amma ad tkecmeḍ kečč d tlata n ilmeẓyen id iddan yid-k, is-yenna-as daɣen, nutni tella fellasen tugdi, ma d kečč tmenɛaḍ !”

Amɣar ikcem weḥdes ar temda n ucucef, yessens taftilt deffir-s iskew tacemmaɛt ittezruruqen; yuɣal af tgecrar iẓull. Ar ṭṭerf-is kan, tilawin d yergazen lla sneḥniḥen* sluffuẓen ttemyerkaben am ijedɛan di tmizar. Dɣa Bulla iffeɣ-d wul-is deg ayen yettwali d wayen isell ar tmiwa-s, iluɛa s ṭṭuɛ-inek a Sidi Ṛebbi, indeh : “A kečč a bab n lberhan iqwan !…A kečč i iceyyaɛn anfal* i tarwa n Cayin*, suter-ak s lqedra inek d lqewwa inek ma ur tewwiteḍ imexluqen agi imbehhas !

Amawal:

Aɣvaṛ: perdition.
Taɛrift: secte.
Iṣabbanen: athées.
Ibehnas: impudent.
Ajjed: religion.
Talilt/ chorale.
Teqa: dévotion.
Agit: acte.
Ajeggaḥ: pervers.
Tigerramin: saintes.
Tilialin: pratiques.
Imastanen: defenseurs.
Abekkaḍ: péché.
Lemqam: sanctuaire.
Tiɛeṣṣabin: couronnes.
Tagaṭṭ: jeunesse.
Sneḥniḥen: hennissent.
Ttemyerkaben: s’ entrelassent.
Anfal: déluge.
Cayin: Caïn.

(Amsawal n ulhim: interview du diable est traduit du français).

Soyez le premier à commenter

Laisser un commentaire

Votre adresse de messagerie ne sera pas publiée.


*