Amsawal n Ulhim: (Suite et fin)

Ttxemmim kan ala af ufessi, sbextiren s ibernyas-nsen am ticki d ibernyas nni igelliden. Am akken ad d-qqaren: »twalam, nefka tudert nneɣ i dunnit, anda i nsemmeḥ i kra yellan d lerbaḥ n cci, yernu a lukan nebɣa ad netbaɛ dunnit agi yettfuten, tili newweḍ a nfeǧǧeǧǧ, a nili akken aɣ-yehwa, maca a neqbel ssbeṛ u a nesbur ijerbuben u a neddu deg ubrid n Sidna Ɛisa ». Iseflan ak ttẓulla-nwen ur ttawḍent imi ur ten-xdimem ara s wannuz. Timerabeḍin ? Sekkareɣ deg-sent ccfawat n tmeɣriwin neɣ lemnanat n beqqu d tteḍfiyin, aḥmal n ssdaq n yezraren ak d iḍlagen. Irumsa zuzunen-ten s lmuziga-nsen serqiqisent, tikelt s taleɣwit tikelt s timsefqaɛt. Zgant d tilawin u akeḥḥel werǧin ixeṭṭu-yasent maḍi.

Ttaǧǧant iman-nsent ttruḥunt ar isugnen-nsent imterwi i ten-yettawin ar uzerrefraf. »Iɣellaten, imeqranen, laɛqwal ttaken aweṣṣi i wiyaḍ akken ad ddun deg ubrid yeṣfan, maca nutni s yiman-nsen ɛerqen di teḍfi i ten-ittawin deg ubrid ixesren. Ttuɣalen d imzuxxiyen, d imcumen iqehriyen.
Ttcabin ar lemqamat i gerrezen i yiman-nsen, izewweq yerqem ar beṛṛa, ixzen-it daxel tifuḥit ak d uwekkiw. « Tura mi ik-d-nniɣ kulleci, is-tifuk wulhim, d lqedṛa n bab-ik anef-iyi ad lhuɣ d lecɣal-iw !

Bulla:-Amek ara tgeḍ i yemdanen n uṛadab mgal af widak i d-ttuceyyaɛeḍ ?

Ulhim:-Akken i yeffeɣ fell-ak. Bulla iger aqerruy-is gar ifassen, issusem kra, armi yenna:

Bulla: – A ten-nɣeḍ irkell, a tteǧǧeḍ ala xemsa deg-sen. Wigi akken ad cehden win ig tebɛan lemḥibba-k ixulef lemḥibba n Sidi Ṛebbi, ur yettaf ara ixef-is deg dunnit neɣ di laxert.

Ulhim:- Ilha, maca tazwara ffeɣ s yaggi, ugadeɣ ama ik-tettaɣ wurwas neɣ amma a k-id-taɣ tmella, u ad tuɣaleḍ deg awal-ik. » Imiren-kan, Aṛuḥani ijbed-d ssif-is, ireqqen am tmes, isuɣ s ṣṣut qessiḥen, yenna : »I nekk ay-aytma ! i nekk !  » Dumatu, iruḥaniyen s wudmawen ucmiten neggezen-d si yal amḍiq. Bulla tekcem-it tugdi, dɣa inuda ad yerwel. Aruḥani, inna-yas s uqejjem: « Ahya a lwali, a win fi ttḥaraben ineɣlas, ma kečč tettergigiḍ am yifer, trewleḍ am ugrud yessexlaɛ lweḥc deg iḍ, amek teḍerru d yemcumen ur nesɛi ineɣlas ara ten-iḥarben ? » Tanezmart inu tessergagay-ik. Aha tura ur ttfenṭiz ara belli tessagdeḍ-iyi s Yillu inek; qbel timezga-w u teffeɣeḍ-d seg ahes deg telliḍ ! »

Bulla yeffeɣ-d deg uradab. Isell-d ar deffir-s i isuɣan n imcucaf d udderdeg n iqerray iɣellin ɣef tmedlin n rxam. Ihi, ikna af tgecrar, dɣa, imi akken yettẓalla, iwala iqerreb-d ar ɣur-s yuwen uɛezri, d uzzyin, udem-is ittreqriq am tafukt n wass, yenna-yas: « Ur tesɛiḍ d acu ara tagadeḍ, Illu iceggeɛ-iyi-d akken ad qerraɛeɣ fell-ak mgal imskan. Aru ayen twalaḍ u tḥerzeḍt tira inek anda ilaq akken a tt-id-af tarwa yiwen wass deg-s a
ttessinseg – lǧil ar zzat u-ɣur ara yenqes liman af inemtutan-ik ! Meqbel akka tura, ruḥ ar taddart tberreḥeḍ axbir ajdid.

Endeṛ inmezrayen ad tixren deg yir ubrid, ad duɣalen ar ubrid yelhan. Smasiḥiten, acku ur gan ara d imasiḥen. Selmed-asen llsas n ddin amasiḥ, axaṭer ad tiliḍ d adlil u d imsellek-nsen. Lmeggetin n uradab, ad ten-meḍleḍ; widak i d-yegwran, snat n tlawin d tlata yergazen, ak-ilin d inagan; sin-nni n idakriyen ak d uqrur n talilt ak d-urgen. »

– Ayaɛerḍi, is-yenna Bulla s wannuz, ad qableɣ s wul yeṣfan d neyya, lewṣaya-yagi iyi-d-kellefeḍ. Ad meḍleɣ wid yemmuten, ad smaseḥeɣ wid idderen u ad beccereɣ awal agerram, ad sufeɣ-ɣ lexbar af ayen sliɣ d wayen walaɣ armi d ass-a, maca bɣiɣ qbel ad yethenni anelli inu…

Γef ayen i fi yiskellef Ulhim af laɛqwal, telbat, laɛqwal n yemrabḍen ixelwiyenes, timrabeḍin d iterrasen n tmezgida, dɣa ma s tidett ? Aneɣlus irra-yas-d : »Ur ttamen ara akeddab ɣas d tidett ik-d-iqqar ! »

Amawal:

1) Ufessi: salut.
2) Sbextiren: (pavaner).
3) Annuz : humilité.
4) Timerabeḍin: nonnes.
5) Tteḍfiyin: plaisir.
6) Iḍlagen: ornements.
7) Taleɣwit: émolliente.
8) Timsefqaɛt: énervantes.
9) Lemqamat: tombeaux.
10) Isugnen-nsent: imagination.
11) Imterwi: désordonné.
12) Uzerrefraf: abime.
13) Teḍfi: plaisir.
14) Iqehriyen: tyrannique.
15) Uṛadab: bain.
16) Tmella: pitié.
17) Urwas: malheur.
18) Ineɣlas: anges.
19) Tanezmart: puissance.
20) Ttfenṭiz: vanter.
21) Timezga: grâce.
22) ahes: enfer.
23) Rxam: marbre.
24) Imskan: mauvais esprits.
25)Ttessinseg: s’inspirer.
26) Inemtutan-ik: contemporains.
27) Inmezrayen: impie.
28) Smasiḥiten: baptiser.
29) Adlil: guide.
30) Idakriyen: diacres.
31 Talilt: chorale.
32) Urgen: assister.
33) Annuz: humble.
34) Kellefeḍ: investir.
35) Agerram: saint.
36) Telbat: primates.
37) Ixelwiyenes: moines.
38) Aṛuḥani: démon.
39) Dumatu: immédiat.
40) Uradab: bain.

 

Soyez le premier à commenter

Laisser un commentaire