Amsawal n ulhim (VI)

Dɣa yenna Ulhim:

Tettɛudduḍ af wigi, axaṭer d imrabḍen i llan u d at n tmezgida am kečč, yernu ur k-d-teɣli yiwet n tmeqqit n imeṭṭawen af wiyaḍ meṛṛa. Ul-ik ɣur-s yiwet n tekwatt [1], ittwalin ala imdanen n tqarubt-ik [2] Ul-ik d agecraruḍ [3] ar tmella [4] tameɣraḍant [5]. Ihi, ɣas ru u sgegder [6], wwet udem-ik tessensleḍ inẓaden-nni n tamart-ik. Ru af laɛwqal [7] d lecyax d yemrabḍen [8]: ru af kra iẓullen seg was n lḥed, af wid i yuẓamen tikeffarin, af kra yensan, nuẓẓeren di txelwiyin [9], ru ternuḍ af wid i gullen ur ḥniten. Ru daɣen akk af lawliyat [10] imrabḍen i gan d imeddukal u d iqeddacen -iw yettnadin tijmilin-iw anda tiggawin inu [11] ttimagrazin [12] ak d unabaḍ-iw [13]!Retour ligne automatique
Anezgum ikecmen Bulla yessedrem ssura-s. Kra n wayen yeqquder, yaɛbed [14] segmi yella d alqaq, igelliden n txelqit ak d wid n imanen [15], ifa-d d umatu [16] s lexsas n ugemmur [17] ak ttkerkas. Wamma [18] ibɣa ad iwali ar zzat ugar [19]. Acuɣer tebɣiḍ ad ruɣ ugar ala af igelliden kis [20]? Is-yenna umrabeḍ.

Ulhim ittkemmil deg awal-is: acku azgal-nsen (manquement) immed n wazal n lqedrat i wumi i ssawḍen. S kra ara yaɛlay umdan, ar taẓayt, ara tetbaɛ lfalṭa yexdem. Ma d igelliden yak sehlit iw-mennuɣ. Asen serreḥ af nncaf [21] ak d uḥennak [22]. Ad akreɣ anelli-nsen ak d uramus [23] ara ten-id-iseccḍen. Tettun iman-nsen belli d imettanen [24] i llan, ǧǧan s liser di lebɣi, ur ḍfiren abrid n Sidi Ṛebbi i ten-ixelqen. Berruɣ-d af ulawen-nsen tiruma [25] timetradin [26] u asen-dduɣ s ddḥis n imseɣret [27] akken asen-sɛarqeɣ iberdan illan. Γilen ɣur-sen akk izerfan imi gan d igelliden.

Ttemlilin ttiyeziwin [28] ɣef ttekse n sser, am akken d ccrab i swan. Tteɛuddun iman-nsen d ṛeyyas [29] imeqranen, asmi akken fsin i ṭṭrad, nɣan d luluf [30] n yexsimen, anda axṣim ur yenɣa degsen ula d yiwen.

Bulla:- I laɛqwal, d lecyax d yemrabḍen, d acu i tessexdameḍ mgal-nsen, u anti tiḥila, uh, ay amakus (maudit)?

Ulhim:- Smuɣuyeɣ [31] degsen sɛaya n uraɣ; takerḍa n lewɛadi n zeyyaṛ [32] ak ddɣel u nsekkaray gemmet [33] gar wiyaḍ. Di tẓallit, mara ttxemmimen af aytmaten-nsen, imi ilaq ad sen-dɛaun s lxir, ttḥulfun gar-asen ala lɣecc neɣ d ccihwa. D ibkalen [34] u ḥemmlen asenni [35] n uraɣ af wayeḍ u asekmumes ar gma-s. Qlilit deg-sen wid i imenɛen deg ufus-iw. Ma dayen yaɛnan imẓulla d yemrabḍen, d ixelwiyen [36], deg usugget n tkeffarin ttaggalt [37] ittaran allaɣen-nsen aḥennak ak ttnefsi [38].

Notes

[1(lucarne)

[2(caste)

[3(inaccessible)

[4(pitié)

[5(universelle)

[6(lamente)

[7(patriarches)

[8(Abbés)

[9(les ermites)

[10(ecclésiastiques)

[11(actions)

[12(agréable)

[13(gouvernement)

[14(vénérer)

[15(âmes)

[16(imédiat)

[17(indignité)

[18(cependant)

[19(davantage)

[20(particuliérement)

[21(dissipation)

[22(orgueil)

[23(passion)

[24(mortels)

[25(tempête)

[26(guerriéres)

[27(hymne)

[28(vierges)

[29(monarques)

[30(milliers)

[31(exasperer)

[32(simonie)

[33(medisance)

[34(avaricieux)

[35(entasser)

[36(moines)

[37(abstinence)

[38(égoisme)

Soyez le premier à commenter

Laisser un commentaire