Asefru

A wi iddren tuder n lxiṛ*
Ad yaεzel ɣef iɣilifen
A d-tizdig tegnitt di zzhir
N yiɣuraf iẓeṭṭen lhem
Acmumeḥ ɣef wudmawen ad yifrir
Γef wul ad yezdu ussirem
Allaɣ ad ilhu d tmusni*

Ad iddu di lǧǧera-nsen
Widen akken aεzizen ɣef Ṛebbi
Inaẓuren d imusnawen.
A wid iddren tudert n smaḥ
Ad isfeḍ lɣel d ddnubat
I talwit ad ldin* lelwaḥ*
Tazeqqa* a tt-aɣ akk tafat
Taεkemt* a s-brun leṛwaḥ
Yal yiwen ad ifreẓ* lewqat
Allaɣ ad yelhu d tmusni
Ad yaǧǧew si lɣella-nsen*
Wideniεawzen di cctaw*
Γef wiyaḍ akken ad reyḥen*.

A wi ddren tudert n lḥub*
Ad istummen i yijeǧǧigen
Abeḥri n lǧennet ad ihubb*
Ad tiqqabel ger ifassen
I zwaǧ-is ad irnu afud*
Ad kksen akk wuguren
Allaɣ ad ilhu d tmusni*
Ad irfed laεlam-nsen
Widak isedeqen iẓri
I wakken arrac ad ẓṛen*.

Amawal
ldint: llint
lelwaḥ: les battants, les portes
taẓeqqa: agwens, i d-yekkan seg awal n agwni. Plateforme.
taεkemt: le poids, la charge…
ifreẓ, wali : voir, observer
yaǧǧew: mesurer de poids en liquide (huile) ou en grain (blé orge, etc).
lɣella: récolte. Tella lɣella aseggas agi.
cctawi: hiver, ce mot viendrai de l’arabe. Dire plutôt: tagrist.
reyḥen: reposer. Il faut dire : iẓẓel. Prendre du repos. S allonger, se relaxer.
ihubb: balancement de mouvement de brise.
laεlam. dire : senǧaq.

*Asefru yagi yura-t-id : Yahia Yanes anda yerra-d tajmilt i imusnawen n dunnit sumata i yefkan akud-nnsen akken ad twennaε tmeddurt n yemdanen d yal tama deg umdal.Retour ligne automatique
1) widak i d-ysnulfan ddwawi i lehlakat.
2) Widak i d-yesnulfan tatiknulujit di yal amḍiq, i yessaḥelwen, yessiẓden tudert d ḥellu n lemṛaḍ n yemdanen, n iɣersiwen (n lmal udaynin d wid n tẓegwa, atg…*

Walit adlis n gmat-nneɣ Yeḥya Yanes deg :« Timucuha n Temnaḍt n Leqbayel ». P.16. Γur uziẓṛeg RishaElsam.

* Quand la pensée n’éclaire pas l’avenir, le présent marche dans les ténèbres ». Par : A. Tocqueville.

Soyez le premier à commenter

Laisser un commentaire

Votre adresse de messagerie ne sera pas publiée.


*