Asefru

A wid yeddren
A wid yeddren tudert n lxiṛ
Ad yaεzel ɣef iɣilifen
A d-izdig tegnitt di zzhir
N iɣul af iẓeṭṭen lhem
Acmumeḥ ɣef wudmawen ad yifrir
Γef wul ad yezg usirem
Allaɣ ad ilhu d tmussni
Ad iddu di lǧeṛṛa-nsen
Inaẓuren d imussnawen

A wid yedderen tudert n smaḥ
Ad isfeḍ lɣel d ddnubat
I talwit ad llin lelwaḥ
Tazeqqa a tt-taɣ-tafat
Taεkemt a s-brun leṛwaḥ
Yal yiwen ad ifrez lewqat
Allaɣ ad yelhu d tmussni
Ad yaǧǧew si lɣella-nsen
Widan iεezen di cctawi
Γef wiyaḍ akken ad reyḥen

A wid yedderen tudert n lḥub (tayri)
Ad istummen i yijeǧǧigen
Abeḥri n lǧennet ad ihubb
Ad t-iqabel ger ifassen
I zwaǧ-is ad yernu afud
Ad kksen akk wuguren
Allaɣ ad ilhu d tmussni
Ad irfed laεlam nsen
Widak iseddeqen iẓri
I wakken arrac ad ẓṛen

*Asefru n Mas YeḥyaYanes. Aftejmil i yerra i kra n widak yefkan tudert nsen akken ad idiren deg tudert yelhan kra n lǧil ara d-yasen deffir-neɣ. Walit adlis” Timucuha n temnaḍt n leqbaylien”. Ed Richa Elsam.

*Expression du jour : “Akken yettimɣur umdan ilemmed”.

Soyez le premier à commenter

Laisser un commentaire

Votre adresse de messagerie ne sera pas publiée.


*