Asmi YuΓal Ivekki d agellid

Nous mettons en ligne ce conte philosophique plein de sagesse et riche d’enseignements. Comme tout conte philosophique, sa portée est universelle et il appartient à chacun de lui donner un sens concret en l’inscrivant dans un contexte qu’il a la liberté de choisir. Nous prenons, quant à nous, la liberté de porter à la connaissance des internautes cette belle histoire qui révèle que nos anciens savaient être édifiants tout en maniant un humour cinglant.

Di zzman n zik, asmi heddren lewḥuc, yiwen Yevki, Aqjun yakw d Wemcic ṛuḥen a d ḥuǧǧen. Vdan tikli, teddun, teddun armi i ten iṭṭef yiḍ g-yiwet n-tmurt. Ekkren sṭebṭben as ar tevvurt i yiwen umγar, nnan as :
– Ma ad-tessenseḍ inevgawen n-Ṛebbi. Aqlaγ nteddu s axxam n-Ṛebbi, iγli d fellaγ yiḍ, tura ulac anda ara nens.
Amγar enni, iwwi ten γer yiwen utemmu akken ad nsen din. Ṭṭsen. Mazal tefrari, Ivki yuki d, issaked γer igenni, iwala tiwwura igenwan fetḥent. Ur yumin ara. Iḥuk allen is, iɛawed issaked, yufa d-tideţ. Neţţa, mi fetḥent tewwura igenwan agi, ayen i s tḍelveḍ i Ṛebbi a k t id yefk. Dγa inna yas :
– A Sidi Ṛebbi amaɛzuz, yak zik txelqeḍ iyi d argaz, tuγaleḍ tmesxeḍ iyi. Acḥal aya tura, lqaɛ uḍaṛ ik, ssefsi tagut felli, ssifses iyi taɛkwemt : err iyi d agellid γef tmurt agi.
– Sidi Ṛebbi inna yas : cceṛṭ ik meqbul !
Ih ! Anda ara k iger a lfeṛḥ Yevki enni ! Yuγal issakwi d Aqjun enni, inna yas :
– Γiwel ! Ekker fellak, tivvura igenwan fetḥent ! Ḍelb as lḥaǧa i Ṛebbi, ayen i s tenniḍ a k t id yefk.
Dγa Aqjun enni inna yas :
– I kečč, illa wacu i s tḍelveḍ ? Ivki enni irra yas :
– Nniγ as a yi yerr d agellid γef tmurt agi, iqevl iyi d. Tura d nnuva k keččini, in’ as ayen tevγiḍ.
Dγa Aqjun enni irefd allen is s igenni, ikukra ciṭuḥ, maɛna inna yas :
– A Sidi Ṛebbi amaɛzuz, err iyi d lewzir Ivki.
– Sidi Ṛebbi inna yas : cceṛṭ ik meqbul !
Aqjun enni yewhem, g-wasmi i d ikker ala win ara s yefken tiyita uɛakkwaz neγ rrkel s aɛbbuḍ, tura yuγal d lewzir ! Inna yas : ṛǧu ! ihi imi akka, ula d Amcic agi, a t id nessakwi, yakw idda d yidneγ s axxam Ṛebbi, Ṛebbi imuggr aγ d g-wevrid. Nnan as :
– Ay Amcic, sellek iman ik, ekker, tivvura igenwan fetḥent.
Amcic enni teṛẓa t nnesma. Armi s ddraɛ i d ikker. Asmi i t ssfehmen imeddukal is, inna yas :
– A Sidi Ṛebbi amaɛzuz, err iyi d lewzir Ivki ula d nek.
– Sidi Ṛebbi inna yas : cceṛṭ ik meqbul !

Dγa ssekkren tameγra dinna. Vdan cceṭḥen. Yuγal mektin d amγar enni i ten issensen, vav utemmu enni. Nnan as ula d amγar agi, ixdem aγ lxir, a t id nessakwi. Sṭebṭben as γer tevvurt :
– Ekker ay amγar, ekker, ekker !
Amγar enni yewhem d acu akka yedṛan, mazal yuli wass. Iffeγ d, yaf Ivki, Aqjun yakw d Wemcic enni issens, mazal alim utemmu fellasen.

– Γiwel γef yiman ik, i s nnan, tiwwura igenwan fetḥent ! Ḍelb as lḥaǧǧa i Ṛebbi, ayen i s tenniḍ a k t id yefk.
Amγar issaked s igenni yaf d-tideţ. Iwala igenni ifeǧǧeǧ, icerreg γef sin. Yewhen.
– Γiwel ay amγar sekkud mazal fetḥent tewwura igenwan, nekwni akw, ayen i s neḍleḅ iqevl aγ t id.
Amγar enni, inna yas i Yevki :
– Acu k d yefka ay Ivki ?
Ivki inna yas :
– Nekk, irra yi d agellid.
– I kečč ay Aqjun ?
Aqjun inna yas :
– Nekk, d lewzir Ivki
– I kečč ay Amcic ?
Amcic inna yas :
– Nekk diγen, d lewzir Ivki.

Dγa Amγar enni, irefd ifassen s igenni, inna yas :
– A Sidi Ṛebbi amaɛzuz, a Vav igenwan, ma aɛziz fellak acemma kan, ekkes iyi i ddunit, ur yi sseḥdaṛ ara i leḥkwem n-wigi !

Amγar Azemni

 

Soyez le premier à commenter

Laisser un commentaire