Ay aseggas asɛadi

Ay aseggas asaɛdi
Igguni-n deffir lluḥ
Nekwni aqlaɣ lla-k nettraju
Kcem aqla-ɣ lla-k nettraju
Zikenni ṭmaε d amecṭuḥ
Am llufan deg dduḥ
Win yemma-s a tetthuzzu
Win yemma-s a tetthuzzu
Tura yuɣal-aɣ-d ṛṛuḥ
Am umeqran, amumecṭuḥ
Ma d lhemm yeddem-it waḍu

Ay aseggas imselles
Mmel-iyi ansi d-kkiḍ
Acimi akka udem-ik yumes
Udem-ik am akli deg iḍ
Yufa-yaɣ-d aqlaɣ nuyes

Ma yella kra iɣ-d-bbwiḍ
Acḥal segmi nettraju
Melmi ara d-yass ccfa
Igenni iɣum-it waḍu
Asennan inta di lqaε
Ula di Tizi Wezzu
Teqwa tarwa n Xira
Ula di Tizi Wezzu
Qwan warraw n Xira

Ay aseggas asaεdi
Nerwa fell-ak anadi
Teffereḍ deg ucḍaḍ umezruy
Xas akken ulac tafat
Ass zeddig tura nufat
Abrid injer-it Wegraw
Yiwen wass ma yebɣa Ṛebbi
A nuɣal am zikenni
As-nerr i dunnit s acwar

Ɛerqen meṛṛa iberdan
Ur neẓra anida i netteddu
Iṭij nneɣ ur d-iban
Am ccetwa, am unebdu
Urtan nneɣ meṛṛa rɣan
Ayen nezraε yeddem-it waḍu

Yiwen wass iɣ-d-ban tefsut
Ur-ɣ-ddebbwi ijeǧǧigen
Aṭṭas i teqqur tmurt
Ar a tt-yessewen d idamen
Ma neqqim akka cfut
A nuɣal d icerqiyen
Ma neqqim akka cfut
A nuɣal d icerqiyen.

Lemεani n dunnit:

« Le Kabyle, s’il ne regarde pas loin voit juste. Ses discours sont nourris d’observations, car la logique est le caractère de son esprit ». Amunaw aqvayli.

 

Soyez le premier à commenter

Laisser un commentaire