Ccix yettarun leḥruz

CCix yettarun leḥruz
Ssefru-yi targi
Ugadeɣ ad zureɣ adebbuz
Nekk afus-iw diri-t
Γliɣ di lqayed-nsen
Armi i d-uzlen medden
Amezwaru i d-yebbwḍen
Yenna-d ernu-yas
Issak-ay ulawen*
Ibɣa ad ksen layas*
Laɛma n cciṭan
Yeswan qeḍran
Wi-sin i d-yebbwḍen d aɛrav
Iban af twenza-s
Ibda asuɣu d wejdav
Iɣaḍ-it gma-s
Eɣliɣ deg-sen di sin
Armi i ten-erriɣ d ṭill*
Eɣliɣ deg-sen di sin
Armi i ten-erriɣ d ṭill

CCix yettarun leḥruz
Ssefru-yi targit
Urgaɣ refdeɣ adebbuz
Nekk afus-iw diri-t
Γliɣ deg cerqiyen
Armi ur ǧǧiɣ yiwen

Aneggru deg-sen
Yebbweḍ ar Mekka
Mi iɣra af laɛnaya
Iẓra ansi i d-yekka
Isuɣ wili wili*
Wac darni lmaziɣi*
Issawel as-id si Lpari
Uḍar aberkan*
Inna-as: susem kan
A bu tzagurt yerkan
Ayen tzerɛaḍ imɣi
Tuɣaleḍ am nekkini

A ccix yettarn leḥruz
Ssefru-yi targit
Urgaɣ azrem deg uruz
Nekk afus-iw diri-t
Wteɣ-t s yiwen bbweẓru
Ḥuzaɣ-t deg qerru

Mi t-walan d sseḥ yemmut
Anda ara k-gen a lferḥ
Yal amkan di tmurt
Bdan afus d ccḍeḥ
Amɣar aqrur taqrurt
Yuɣal-iten-id rruḥ
Ferḥen cerhen* medden
Yekkes-asen tugdi
Ikufan* ččuren d irden
Icbuyla d udi
Di lexla teqwa lfakya
Tuɣal-d lbaraka

A ccix yettarun leḥruz
Ssefru-yi targi
Urgaɣ ufiiɣ-d aferruǧ
Weḥd-s di tmazirt
Acu akken i s-nniɣ
Innak : Nekk d Amaziɣ !
Amawal:

Lemɛani n dunnit:

Armi i ten-erriɣ d ṭill: armi i ten-erriɣ d ṭṭvel (icerqiyen), maca ṭṭbel mara yevzel (icuf) i vezgen s tyitiwin n uɛakkaz.
suɣ wili wili: d lmaɛna i qqaren waɛraven ticki ra ttewten s kra n twaɣit. Qqaren diɣen: « ya llil ya llil ».atg.. .deg ccnat-nsen s tegnawit-nsen. Erret ddhen nwen a ttwalim amek gan deg tudert-nsen.
Wac darni lmaziɣi: dagi d acetki i watmaten-nsen Icerqiyen mi ten-id mmugren.

Soyez le premier à commenter

Laisser un commentaire

Votre adresse de messagerie ne sera pas publiée.


*