Exercice: Amattar

Kkeset-d kra yellan d imattaren deg weḍris agi.

Ṣedden yiɣuraf

Ata-n waggur n dujember qrib ad yekfu, mazal imezdaɣ n tmurt n Leqbayel ttɛennin s axellaq melmi ara tbeddel tegnawt. Lehwa ur d-neɣli ara di lawan-is aseggas-a isers-d bu seṭṭaf ɣef tzemrin almi ula d iferrawen uɣalen warraɣ-it di tegrest. Lxir akk i d-ttawin yimdanen seg tferkiwin-nsen yejmeɛ iman-is aseggas-a. “ulac le pétrole n tmurt n leqbayel” i d-qqaren medden ! Deg yiseggasen yezrin, lawan-a, iḥerqan akk ɛemren, ala abbu ara nettwali iteffeɣ-d si gar tzemrin. Ɣas lweḥc yekkes ɣef medden, imi yal tasebḥit d tirebbaɛ i ttefɣen wa s tkerrust, wa ɣef uḍar wa s ttawilat nniḍen, teddun metwal urtiyen. D taswiɛt yesdukkulen iɛeggalen n twacult, ulamma d asemmiḍ, d agraraj di kra n yimukan, maca lbenna n uxeddim d wučči di lexla yessettuy i umdan ɛeggu. Akka tura, leḥzen iɛum, qlen yiḥerqan n tmurt n Leqbayel d aɣurar, gguman yimdanen ad zzin ɣur-sen tiṭ.

Amek ur yettɣalaf ara umdan imi ar ass-a gguman iɣuraf ad zḍen ! ulac ɣef wacu ara zzin. Imawlan n lemɛasrat ttazzalen yeffus zelmeḍ anda ara d-awin kra akka n tirect n uzemmur. D aheggi kan i d-ttheggin, acku ur zmiren ara ad nedhen iziḍ, azemmur drus. Ulamma ldin tiwwura, lxedma d lxir kan.

Awal yuzzel ɣef lixsas n waman, imi anebdu n useggas-a yennejbad. Maca, yella wanda iɛemmed umdan i liḥala-agi. Aṭas I d-yettmektayen tazemmurt lawan-a, mi jemɛen ixicanen tamuɣli ɣer deffir tekfa. Tazemmurt teḥwaǧ ula d nettat amdan akken ad tt-yefres, ad tt-yessew di lawan-is neɣ ahat ad as-iheggi amdun anda ara nnejmaɛen waman n lehwa. D acu kan, tessen amek ara d-terr ttar: ma acu I as-tefkiḍ ad t-in-tafeḍ, ma ulac…

*Texte tiré du quotidien de DDK du lundi 19 decembre 2011.

Win ibghan tutlayt is ad yissin att yaru u a ttyemmeslay di berra daxel n uxxam, a ttiselmed i tarwas a ttisinen a ttemmeslayen daxel gar iberraniyen gar izukar (imtaarven ttemtaarvin)atg… Xilla n lizandjirwa ur ttemmeslayen ara zzat n izukar acku ttagaden am tiyuzadh yettagaden uccen. Garasen sawalen tizikert wala tutlayt nsen. Wiggi i wumi qqaren: “les renegats negh imtruziyen!

Soyez le premier à commenter

Laisser un commentaire

Votre adresse de messagerie ne sera pas publiée.


*