Exercice en kabyle: (prétérite et aoriste)

A) Relevez: les suivants: des verbes contenu dans ce texte ci-dessous.
1) prétérite simple
2) prétérite intensif
3) prétérites négatif
4) prétérites intensif négatif.

B) Ensuite: à relever aussi les verbes en aoriste contenus dans le texte ci-dessus:
1) aoriste simple
2) aoriste intensif
3) aoriste négatif
4) aoriste intensif négatif.

Di Tala Khelil

Wid yerzan ass amenzu n yennayer γer taddart n Tala Khelil ad as-cfun i lebda i wass-nni. D acu-tt taddart-nni! D anwi-ten yimdanen-nni! Arrac tiḥdayin, imγaren timγarin yennecraḥ wudem-nsen, yugar sser fell-asen. Akken i d-yenna Ramdane: ‘’mi ara twaliḍ akka, amek ur tettefraḥeḍ ara imi d aqbayli i telliḍ!?’’ Ihi, taddart n Tala Khelil tqubel aseggas ajdid s wudem ajdid. Di tazwara, amenzu n yennayer di taddart-a, d tameγra taγelnawt s wudem unṣib: ulac lxedma. Tis snat, d taddart kamel i d-iheggan imensi n yennayer. ’’yal axxam iseww-d lğefna n seksu, yewwi-tt-id γer lakul. Syin ččan akk jmiε, s yinebgawen s Wat taddart’’ i d-yenna yiwen gar yimḍebbren n taddart. Tis tlata, teḍra-d tazla (cross) anda ttekkint ula d tilawin. Tikwal ad as-tiniḍ ma di tmurt n Leqbayel i lliγ mi ara twaliḍ tameṭṭut n 58 n yiseggasen di leεmer-is la tettazzal. Tagi d Nna Malika iwumi yettunefk, di taggara n tmeγra-a, warraz am nettat am wiyaḍ-nniḍen i ttekkin di tazla.
Tameγra-a, heggant-tt-id snat n tdukliwin: tasqamut n taddart akked tiddukla Tala Khelil s lemεawna n kra n tγiwanin n At Dwala. Aqcic mecuc yefka-d ayen iwumi yezmer d wayen yessen. Ussan-d akken ma llan γer uγerbaz i wakken ad ḥedren i tmeγra, ad ččen imensi n yennayer lwaḥid am yiwet n twacult. Akka ara lemden yimecṭaḥ leεwayed γer yimeqqranen, tasuta ad tt-id-teğğ i tayeḍ. Akka i d-tettili trebga d lemqadra gar yimdanen. S wakka ara tdum tmeslayt. Akka i tt-bγan yimezwura. Akka i tt-bγan di Tala Khelil ass-a. Akka i d taqbaylit. Akka akk i d-nnan wid-nni yellan dinna.
Aseggas ameggaz i Tala Khelili, aseggas ameggaz i tuddart merra.

Par : Hocine. M

*Article tiré de la page: Aγmis n imaziγen du: 16 janvier 2011 dans la colonne de D.D.Kabylie

Soyez le premier à commenter

Laisser un commentaire