Iḥiqel* yessawalen i gma-s ɣer lmut

Yenna uṣeggad :
Siwel, siwel ay iḥiqel
Amur s yis-k ad t-naɛqel
Di tsekrin ad d-nemmager*
Ssiḥnin* ṣṣut-ik muqel
Deg ulawen semwiwel
Yal wa zzher-is d ass yeffer

Iḥiqel yenna i tsekkurt :
Yya-d, yya-d a tasekkurt
Wi kem-iwalan yečča lqut*
Ula d tiklim tesɛa sser
Am yiṭṭij yefren di tagut*
Mi d-teflaliḍ* kra din nettu-t
Yendeh wazal-im yekker

Tasekkurt terra-as-d :
Nek d lqella* n tsekrin
Wehmeɣ* d acu i k-d-yewwin
Mi d-tussiḍ ad yi-txeḍveḍ*
Rric-iw yezwi deg tɣaltin*
Imudaɣ* ur d iyi-ǧǧin

Amawal :
Ssiḥnin : v attendrir, adoucir, assouplir
Iḥiqel : n m sing. mâle de la perdrix.
lqut (tagella) : n m sing. nourriture.
tagut : n. fem sing. la brume.
teflaliḍ : v. flali. Apparaitre, surgir de…
Wehmeɣ : v. être surpris, étonne.
txeḍveḍ : v. xḍev. 2em pers du sing. tu as fait une demande au mariage.
Imudaɣ : n masc plur. les maquis. (amadaɣ mačči d inijel : ronce).
lqella (lḥif) : n fem sing. manque. D lqella (lḥif) yergazen ik-yerran Aɛli d argaz (01).
tɣaltin : n fem plur. les collines. Ibedd ɣef tiɣilt iḍac : aɛeqqa n uvelluḍ (02).

Lemɛani n wawal :
01) D lqella n yergazen ik-yerran Aɛli d argaz : mara yiwen neγ ixus. Mara yili terra tmara af kra. Ulac deg ara tferneḍ. Teqqur taluft, yunnag-d lexsas
02) Q : Ibedd ɣef tiɣilt iḍac : R : d aɛeqqa n ubelluḍ (akerruc). Tagi d timsaɛreqt (devinette).

 

Soyez le premier à commenter

Laisser un commentaire