Imeẓrayen n wactal

Imeẓrayen n wactal
Arthur Gobineau 1816/1882, af tergadiwin* n iriten* gar yemdanen.
Houston Stewart Chamberlain: 1855/1927, yura adlis i wumi i ysemma: “ilaq usenser deg uzaglu acami”. Yuɣal d netta i d aḥarsi* n tiẓriyin* inaziyen* di Lalman; anda yagi i yeddem taɣelnewt* u yuɣal d aḍeggal n Richard Wagner.
Georges Vacher de Lapouge : 1854/1936.
Edouard Drumont: 1844/1917.

Akken ma llan imaẓrayen agi sensgen-d* seg aɛraven deg inubaz* d iɣmaren-nsen*.
Aɛraven zgaẓen* igduden ṭṭfen (ḥekmen), i sxedmen s ẓẓur u yernu reksen* ar ɣer-sen akken a ten-sertin* s tdelsant* d tddeyant.

Irupiyanen xedmen anemgal* af Aɛraven, imi nutni ugin ad ertin ar wid ernan neɣ fi stɣelben. Aɛraven bɣan azaɛluq* n listaɛ, i yzaden, maca d aluẓar* s delsant d tddeyant. Sebba n wayagi armi ass-a llan sennig n warem* n tmura i ygant d lber “aɛrav” i wumi ssawalen : “amdal aɛrav*”.

Igduden i yzedɣen timura-agi zik, amur ameqran deg-sen sellemen ass-a af tjudwa d tmeslayin-nsen, armi i yumnen u qqaren:“nutni d aɛraven d inselmen », cku ddin ineslem yeqqen ar tjaddit n wedrum aqurici i deg i d-yefruri Muḥemmed*.

Imaṣriyen d tɣerma* i sen-segran lejdud-nsen anida tigemmi* ttamerkantit*, tura asen d-yeqqimen ḥaca iẓra. D wagi i d lufa*. Berran deg igelliden-nsen, deg Iṛebbiten n iferɛunen-nsen akken ad ilin d ayen, d aɛraven i lebda.
Di warem n tmura, inabaḍen-nsen*, akken llan berreḥen-d timnaḍin-agi “ d taɛrabin u tutlayt d tunṣibt-nsen taɛrabt di yal tamkant i tmura-nsen”. Sya d afella yal amezdaɣ n tmukatin agi ilaq-as : ad yaru, ad immeslay u ad itturebbi s tutlayt n ddin n Nnbi Muḥemmed.

Aṭṭas seg wid ur nella d aɛraven, ar tura akk-a, wejden ad sellemen si laṣel-nsen akken ad fsin, ad zdukelen d ddin ak d tmeslayt n Saɛudi taɛrabt.
D liḥala n waṭṭas deg Imaziɣen, acku imdanen-agi ur nella yara d aɛraben neɣ d imtɛarben, mazal-iten ɣellin deg diɛayat d tkerkas i sen-d-snulfan wigi akkan ad qeblen ad zdukelen u ad qeblen nnger i ten-yettrajun ar tagara. Yiwen deg umaṭṭaf n tiliẓri txeddem yagi, lxedma agi, kter n mraw n iseggasen u tagi ttaṭafen-tt-id baṭṭel ar yal tawacult taɛrabt deg dunnit. Dayen i yessaweḍen sbeggten u jebbeden-d ineḍfaren* imaynuten ar “tgelda-nsen taɛrabt”.

Amawal
tergadiwin: inégalités
iriten: races
aḥarsi: instigateur
tiẓriyin: théories
inaziyen: nazis
taɣalnewt: nationalité
sensgen-d: inspirer
inubaz: invasions
iɣmaren: dominations
zgaẓen: soumettre
reksen: mêler
sertin: assimiler
s delsant: culturellement
s ddeyant:religieusement

Soyez le premier à commenter

Laisser un commentaire