Kunwi d Nekni (I)

Mi wwḍen ar dinna, ṭṭfen akal i yufan yeqqim d asuki, d lmecmel. Ufan kra n igebliwen d imeksawen n tqeḍɛin n wulli kkaten ajewwaq; wiyaḍ lhan-d d leḥruz ak ttẓallit deg tmezgida. S yedrimen wwin yid-sen, uɣen tiqwiṛin n igebliwen n ifalistiniyen. Tajmaɛt n leǧnas (U.N) yedduklen twufeq-iten, tebuṭṭa-asen, weqmen tamkant anida ara idiren gar-asen di dunnit; dɣa qqimen dinna semman-as i tmurt nni Isarël. Nutni, yuɣ lḥal warem (20) n leqrun-uya si d-ffɣen seg akal n Falastin; dehmen-ten-id zik Ṛuman. Seg imir i mmɣen hujren ɣef tmura n dunnit meṛṛa, maca anida iwwḍen ad sbedden tamezgida-nsen; taɣeḍ ma reclen d tmeṭṭut ur nella-ara d tudayt, ad tjebden ɣer ddin am nettat am tarwa ar d-terbu; dayen i si ṭṭefen ur nngiren ara ɣas ayendin n leqrun i yezrin. Yal n tikelt ara ẓallen ad inin : “Qabel ar Yarusalem”, armi d asmi d-yewweḍ s tidett-is. Seg useggas 1948 id yeḍra wayen akken ssaramen warem n leqrun. Maɛna ɣas akken uɣalen ar wakal n lejdud-nsen, mazal-asen ad qqablen uguren imeqqranen-iten yettrajun: asif n uḥeǧǧaǧu-aten yettraju at-sɛeddin. Xas si zik deg tmuḥeqranit d lbaṭel ur ikkis fell-asen, qqublen icenga di yal tama: i ccerq ar lɣerb, deg usamar ar umalu, icenga sya-w-sya. Nutni di krad (03) imelyan, ixṣimen-nsen d imeyyaten n imelyan yid-sen. Yefka-asen-d Yillu Marican iḥuma-ten-id. Di dunnit meṛṛa “asen-id tt-gen afus”, acku ɣaḍen medden af ayen sɛeddan di leqrun. Si meḥyaf d lbaṭel i yezrin d wayen i-ten yettrajun ar ɣer-s at-nnaɣen. Amek i tt-ufan? Taddukli gar-asen, idrimen sɛan ttceggiɛen ɣer tmurt n Israël i “watmaten-nsen”. ma d lefhama d temusni ɣur-sen si zik; dayen s imenɛen.

Soyez le premier à commenter

Laisser un commentaire

Votre adresse de messagerie ne sera pas publiée.


*