Tadyant n Uqvayli d umeddakel-is

Zik, yiwen wergaz temmut-as tmeṭṭut; seg akken ɛadlen netta yides, d nettat is-yesbedden axxam. Yeqqim d aǧǧal, yugi ad iɛawed zzwaǧ. Ihi, ɣur-s yiwen umeddakel, ikcem-it weɣbel fell-as d ameqran. Yiwen wass atay yerza-d ɣur-s. Ameddakel agi yessawel-as-id seg uzniq, nnig wexxam. Inna: -A leflani?
Winna nniḍen: -Kecmed ! Dɣa mi yekcem, yufa argaz iɛerra af iɣallen-is lla ittegg aɣrum. Dɣa ameddakel-nni yenna diɣen: – A leflani, d acu i daya ?
Winna: – Aqlaɣ tettwaliḍ…
Ameddakel nni: – D kečč lla itteggen aɣrum ?
Winna: -D nekkini…
Ameddakel-is: -i tmeṭṭut ?
Winna: -tewweḍ anida ara a naweḍ…
Ameddakel-is: – I keččini, dɣa s laɛqel-ik?…Temmut-ak tmeṭṭut, ur tɛawdeḍ ara tayeḍ?
Winna: -Ur ɛawdeɣ ara…
Ameddakel-is: -Acuɣer ? Winna imaren yenna awal-is aneggaru:
A naɣ lɛali,
yekfa-yi leqbeḍ i ikemsen*.
A naɣ dduni,
yugi wul iḍelsen*.
Ar akka nettegg, nfettel,
ar d-yefk Sidi i yesteḥsen*.

Ad yefk Ṛebbi ttawil i win meḍruren !

*Kemsen: liasse d argent, beaucoup d’argent.Retour ligne automatique
* Iḍelsen: qui veut une femme comme son épouse défunte.
* Yesteḥsen: être en attente du meilleur qui viendra du bon Dieu.

 

Soyez le premier à commenter

Laisser un commentaire

Votre adresse de messagerie ne sera pas publiée.


*