Tajerrumt: Ameskan

Ameskan ibḍa d taggayin:
Ameskan awsil
Ameskan amqim
Ameskan arawsan

1. Ameskan awsil:

d aferdis s wacu neskanay ayen illan ama d amdan ama d taγawsa… atg…
talγa umeskan awsil ur tettenbeddal ara almend n tewsit d wemḍan.
Ameskan awsil degs krad (3) lesnaf:

ameskan n wayen n da
a, agi (agini) ayyi, (ayyini)
md : argaz a

ameskan n wayen n dihin
ihin, ihinna, in, inna
md: argaz ihin

ameskan n wayen illan d anabay
nni, (n)
md: argaz nni.
lxalt nni.
taqcict nni.
irgazen nni.

2. Ameskan ameqim:

amaris is d win n yisem.
Γef wakka i itwaḥsab d isem u itbeddil talγa almend n tewsit d wemḍan am yisem, dacu kan ur itbeddil ara addad.

Ameskan ameqim abḍa daγen d lesnaf:

ameskan n wayen n da

asuf amalay asuf unti
wa, wagi (wayyi) ta, tagi (tayyi
wagini (wayyini) tagini tayyini)
asget amalay asget unti
wi, wigi (wiyya) ti, tigi (tiyya)

ameskan n wayen n dihin

asuf amalay asuf unti
win, winna, wihin tin, tinna, tihin
asget amaly asget unti
wi, wid, widak, widak ihin tid, tidak, tidak ihin

3. ameskan arawsan:

am netta am umeskan amqim itwaḥsab d isem, amaris is am win n yisem, d acu kan ur itbeddil ara talγa almend n tewsit d wemḍan (dima d asuf amalay), maεna itbeddil addad.

aya, ayen, ayenni
md: aya ikka-d seg wedrar
meslayen γef wayenni

Llan imeskanen udmawanen nniḍen amaris nsen am win n yisem, dacu kan ur tbeddilen ara addad axaṭer dima ttezwiren ama i yisem ama i wemyag ama i umernu.

ameskan n win n da ameskan n win n dihin
aqli, aqliyi alin, aqliyin
aqlik aqlik
aqlikem aqlikem
ata, ataya atan, atayen, atanah, hit, hit it (hut, hut it)
atta, attaya attan, attayen, attanah, hutt, hitt itt (hutt itt)
aqlaγ aqlaγen (aqlaγin)
aqlikun aqlikun
aqlikunt aqlikunt
anta, antah, antaya, antayah antan, antanah
atent, atentaya, atentayah atentan, antentanah

4. Imsenned umeskan:

imsenned umeskan d wiyya:
winnat: nesseqdac it mara netmeslay γef wemdan.

asuf amalay asuf unti
winnat, winnatan tinnat, tannatant

ayennat: nesseqdac it mara netmeslay γef tγawsa.
asuf amalay : ayennat
asuf unti: tayennatt
asget amalay: iyennaten
asget unti: tiyennatin

wayeḍ: itbeddil talγa almend n tesit d wemdan.

asuf amalay: wayeḍ
asuf unti: tayeḍ

asget amalay: wiyyaḍ
asget unti: tiyyaḍ
nniḍen, nniḍnin
ur itbeddil ara talγa almend n tewsit d wemḍan.
md: argaz nniḍen
irgazen nniḍen
taqcict nniḍen
lxalat nniḍen

Soyez le premier à commenter

Laisser un commentaire

Votre adresse de messagerie ne sera pas publiée.


*