Tamedyazt tameɣnast

Agnawi fell-aɣ ibges-d
Icerqiyen lla ten-id-ṣamaren
Akken aɣ-rren akk am nutni
A nhedder tagnawit-nsen

Aẓar nneɣ ma itteddu akka ad inger
I ccetla-nsen ad issewsaɛ lber
Awal-nsen yettaɣ tamurt
Am uxenziṛ* itetten, ikeṛṛeḍ

Ignawiyen si zik begsen-d
Ula d At temdint ddan d aqfafen*
Ur d-faqen, mazal gnen
Amzun yewwet-iten meɣrud

Ay Iqbayliyen anda tellam !
Yak si zik fell-awen i tbedd tmurt
Teksem-tt-id deg ifassen n urumi
Tura tuɣal ar waɛrab aɛerruḍ*

Si leǧwamaɛ ibennu, irennu
Akken aɣ-sɣeflen, a neqqim ngen
M-id-nuki, ad aɣ-ifat wakud*
Ma tkemmel akka aɣ-yawi wassif

Akwi-t ay imaziɣen
Muqlet igduden n dunnit
Ma txuṣṣem ad tgerrezem
Allen-nwen ad walint ar zzat

Ignawiyen ussan-d aɣ-sebɣen
S tutlayt-nsen ara nessawal
Tamaziɣ seg imi nneɣ ad yiṛzig
I dderya nneɣ mačči att telmed

Ddin agi-nsen deg teṭfem
Yuɣal-awen d aḥeckul*
Win yebla ur yettaf ixef-is
Ad itteddu, ad ireggem deg lejdud-is

Anuɣal ncalleh a neḥlu
Si lebla i wen-d-yewwi Ɛuqba*
A nuɣal ar laṣel nneɣ
Deggert-asen taktabt-nsen

S waggi i si yuɣen iẓuran
Di tmurt acḥal n leqrun uya
Ass-a yuɣal fell-aɣ d nnum*
Am akken s anwa iɣ-yedɛan

Kra deg-neɣ nhedder ṣṣbeḥ tameddit
Amer d aẓru tili atah yefsi
Wiggi gumman ad akwin
At tmanaɣt akk ddan d ucengu

Amawal:
daqfaf : valets
aɛerruḍ: idiot
akud: temps
aḥeckul: drogue
Ɛuqba: général arabe
nnum: habitude de la domination

Par Hand : Le 24 octobre 2007

Soyez le premier à commenter

Laisser un commentaire