Tamuɣli ɣef uzɣuzer (IV)

Azɣuzer deg Fransa iqsed-d, iḥuza anagar Izayriyen sumata, maca deg izayriyen n tallit n 60/70, krad n imuren d iqbayliyen. Ifransisen akken ma llan seg-sen, ar tura mazal erran-aɣ, ḥesben-aɣ seg actal aεrav. Wigi xas deg-sen llan widak iɣ-yessenen u ssnen amezruy-nneɣ.

Acukan, azɣuzer illa wanida kra seg imanagen sseqdacen-t s wudem asukay* mara yili tallest tugi asuter-nsen i weḥbak*. Maεna ḥadret ad tamnem belli tullas tifransisin d turupiyaniyin* qebblent-aɣ kan akka, maca nekkni s izayriyen nettwaḥsab d ineggura deg irgazen seg imanagen meṛṛa illan deg tmurt n Fransa

Tamenzut imi d ixeddamen, d ineggura seg tsellumt n usemti*, tis snat sebba af idger* nneɣ imi nettxellis akk ayen iaddan di lgirra nekkni d urumi. Tella tagi n iḍarren iberkanen*, d luluf* imi ffɣen-d ǧǧan tamurt s lebɣi neɣ mebla lebɣi-nsen ; tinna ḥesben niqal d ayla-nsen qrib azal n lqern d wezgen.

Tiwaculin agi tifransisin n Lzayer, qqiment akken am win ittwacellḥen s lǧerḥ ur nḥellu i lebda. Imdanen agi, llan deg-sen : ibulissen*(01), ijadarmiyen, ixeddamen n uḍabu afransis di yal amkan n tabdelt*. Am akken teẓram, nudan ad erren ttar seg imanagen d inelmaden izayriyen di Fransa (02). Qrib yal ass neqqen yiwen uzayri deg akal n Fransa.

Nemlal-d akk d tilawin agi tizɣuzranin* i iqebblen ad ddunt imi d irgazen i nella, maca ugin-t-aɣ imi n ugemmaḍ n Tferka Taɣerbit*. Dagi, Itunsiyen d Imerruken ula d nutni sεddan miḥyaf n lqella n tayri*, deg anecta yella-d ak d tlawin tifransisin d turupiyaniyin*. Kra n tikelt ara n qerreb, ara nenteq ar yiwet n tallest tafransist nettat imiren kan ad temmuqel tazwara udem n ssifa d lḥenn* n umeslay am uzuɣer* n yiles s « r » aparizyani, mara yettmeslay umdan d tikeli* d wamek liḥala ines.

Ad temmeɣ ad terr sak-is (asaku ufus) ddaw n teɣruṭ. Dagi akken ak d-temmel belli tigad ad tt-takreḍ. Ittusemma aqla-k d amgaggu*. Imiren kan ad tḥusseḍ i ssura-k a bnadem temmar s facal. Mara yili tameṭṭut tugad-ik, tekukra-k amek ara k-tefk laman akken ad teddu yid-k. Deg teswiɛin n tuffɣa n ixeddamen, seg 17 tamrilt* d afella alamma d 20 tamrilt, ifaguten ttaččaren-d d lɣaci. Tibankiḍin ttwaṭṭfent akken llan.

Wiyaḍ merra ad ddun s ibaddi, win ickernven ar imaṭṭafen d iεewzan n wuzzal i ttwaxedmen i wanecta. D timira agi akk nekk wi-yi icban i ttekakriɣ akken ad dduɣ deg umitru neɣ uṭubis, acku mara myeḥrasen imdanen am sserdin akken neqqar, tilawin n tmurt n Fransa akken llan (ula d tigi nneɣ) ad tckernvent* af iqraben nsent ddaw n tɣerdin nsent. Irgazen diɣen yiwen-nsen, ula d nutni yal yiwen ad isferfed ar lǧibat-is akken ad yerr ttezdam ar zdaxel n lǧib n lfista-s. Akken ma ahat dinna illa upikpukit ur s-yeshil ara ad t-id-issenser.

Nekkni imiren s imanagen izayrien nettḥulfu i yiman-nneɣ ur ngerrez ara. Nettili deg yir liḥala. Neẓra, neḥṣa belli di lawan agi i d ttilin ipikputiten akken ad xedmen “cceɣl-nsen”, maca akken ad tcakkeḍ yal amdan i yettbinen n Tferka Taɣerbit d amakar n lejyub, dagi cekk-iw dayen i iɛeddan tilist. Ayagi mačči ala nekk it-ijerreben, seqsit wiyaḍ ma tessnem wid yeddren deg Fransa i tallit-nni. Maca llan ahat Iqvayliyen ur nettarra ara ddhen-nsen ar tidak agi, acku dayen yessaḍanen allaɣ n umdan.

Anecta ddren-t imanagen izayriyen deg iseggasen n 60, 70, 80, atg…. Tilawin timinigin n tmurt-nneɣ, nutenti ur ten-aɛna yara taluft, acku ur ttwaɛezlent ara am nekkni s yergazen. Tilawin nneɣ ur qwant ara di tallit nni, maca tidak yellan merra ddant d tama tazɣuzrant akken “ad selkent iman-nsent” (02). Innak yiwen umedya : « aɣerrabu mara t-keččmen waman, yal yiwen yettnadi kan ad yeslek aqerruy-is ». Ihi zzat n yir tallit, llan, qwan widak akkagi i iregglen zzat n tbalaɣt*.

Widak yettcabin ar ifransisen :

Widak agi werǧin i sεeddan tamuḥeqranit d uεzel gar nutni d ifransisen d urupiyaniyen sumata. Akken ad yili yiwen akkagi, ilaq-as ad yettak acbi deg ṣṣifa n udem-is ar urumi. Ilaq-as tazwara :
1) Acebbub is ad yili iserreḥ d aleggɣan, ur yettili ara d akerteṭṭani* ; ma d awraɣ dɣa akken ayaxir maḍi.
2) Allen d tizerqaqin.
3) Taglimt-is d tamellalt neɣ ma ttaberqact, akken akk axir.
Akken ma llan imdanen agi ttbeddilen ula d ismawen-nsen zzat n irumyen. Amedya : Muḥend, Ali, Said, ttuɣalen d’Alain, Jean, Philippe, atg….
Nouara, Zahia, Fatima ttuɣalent d Marie, Françoise, Delphine, atg,…
Dacu kan i ten-icbbwihen zzat n ifransisen, d lḥenn numeslay n tefransist-nsen. Llan deg-sen ulac kra n tmusni seg tutlayt tafransist, acku ttbinen xilla n dihin, si tmurt, mačči n Fransa.

Kran wayen ara k-d-isqerben ar yemdanen n Tferka Taɣerbit, ak-yessibɛed af ifransisen d urupyaniyen u ad tiliḍ seg wid ittwaɛezlen, yettwaḍerfen, yettwaɛggenen s uḍaḍ.
Iqvayliyen d Teqvayliyin igan akkagi, ur yella fell-asen miḥyaf d uzɣuzer urumi. Ɛacen, ddren tudert n lehna zeddigen, ur ssinen ara d acu i d lḥif n tayri n tullas, atg,… Acku akken llan Iqvayliyen igan am urupiyaniyen deg ṣṣifa nsen, sɛeddan ussan izeddganen. Merra zedɣen d tlawin amma deg isensiyen kra deg istidyuten.
Tagara.

Lemɛani n ddunit :

01) Seg timsulta llan deg-sen ahat azal n wamur wid krad « d iberkanen n uḍar ». Ayen d-inna aɣmis n France soir deg iseggasen n tagar n 70, inna-d : 9 ar 10% deg ikumisaren deg Fransa d wid n Ifransisen n Lzayer. Ternuḍ-as diɣen llan deg-sen ula d iserdasen n lgirra n Lzayer. Wigini akk ɣur-sen cceḥna, taɣennant, atg.

02) Di tallit nni, iadda miḥyaf neɣ azɣuzer ameqran af kra ittcabin ar ṣṣif n uzayri. Ula d tikwal d Iguslaviyen, imi d imidditiraniyen ula d nutni, ssufrin, hanen deg timuḥeqranit n ukuntrul ibulisen deg umitru, anadi n tamezduɣ, axeddim.

Imerruken d Itunsiyen ula d nutni ssufrin am nekkni, maca mi d-sbeggnen iman nsen kan mačči d izayriyen imiren ad beddlen udem ar ɣur-sen. Iqqel tagarawyen ula d isem agi n « Maghrebin », erran-t kan izayriyen. Ḥala izayriyen ittcabin deg lewsayef nsen ar irumyen

Ttafen tilawin u irumyen ttqadaren-ten acku reyusin deg tudert nsen, sεan lullu, tadrimt ! Innak uqbayli zik : « win isεan irden, reṭlen-as medden awren ». Tarumit mara teddu d uzayri ittcabin ar urumi ɣur-s ṣṣifa, ur tettseḍḥi ara zzat n imawlan-is d ifransisen am nettat. Ma d taqvaylit ur qqwant ara di tallit nni u kra n tidak i d-iggran, xubbtent, ddant d irumyen, ipurtigalen, iguslaben, atg…

Tiyiḍ maḍi d iverkanen. (Ayagi s tidett yeḍ-d di lawan nni). Tameṭṭut taqvaylit, ur d-faq ara deg iman-is, am taεravin neɣ tifransisin, faqent seg iman-nsent. Tiqvayliyin udrent allen nsent af idger d tutlayt-nsent, atg….

Ur ttwalint ara “tawurt ara ten yessufɣen ar tafat”. Walit tura af tutlayt taqvaylit : anti tigi akka i yesselmaden taqvaylit i tarwa-nsent di Fransa ? Ulac ! Anti tigi i ttmeslayen s teqvaylit i tarwa nsent di lzayer tamanaɣt ? Ulac ! Ma llant d timexḍa kan. Ma llant kra, alamma tekkes-asent tmusni (04). Anect-agi yella a tawaɣit.
Kra n yemdanen deg ddunit, mara yili “tekker tmes deg uzagur-is”, netta ur d-wwi ara s lexbar ! Ad yettazzal af izerfan n Falastin. Akka igan imaziɣen si zik ar ass-a.

03) Ula di lgirra nekkni d urumi, widak illan d icelεaḍ*, ur ten- ḥebbsen ara deg iberdan neɣ deg umitru. Ass n 17 tubert 1960, tawaɣit d lbaṭel aberkan i d-immaren af iɣriben nneɣ ; azekka nni kan deg ugraw aɣelnaw n Fransa, inna yiwen adiputi ufransis af ubaxix i d-yeḍran : « Heureux les Kabyles blancs ! ».

04) Ma llant kra deg-sent, alamma tekkes-asent tmusni : ittusemma ala tidak ur nezmir ad lemmdent (llah-ɣaleb akken qqaren izukar). Walit-ten dagi di Fransa. Tidak anida tarwa nsen d temslayen s teqvaylit, d tiyematin i iqeflen s trumit.

Amawal :

Asukay : abusif.
Weḥbak : drague.
iḥebbaken (dragueurs) ttnadin tilawin izhhu-kan.
Tsellumt asemt : échelle sociale.
Idger : origine, racine.
Iḍarren iberkanen : pieds noirs.
Luluf : des milliers
Tabdelt : administration.
Turupiyaniyin : européennes.
tizgɣuzrayin : racistes femmes.
Tikeli : comportement.
Liḥala : classe sociale.
Tferka Taɣerbit : Maghreb.
Lḥenn : accent.
Uzuɣer : rouler le « r » parisien.
lqella n tayri : misère affective.
Icelεaḍ : blonds. .
Amgaggu : délinquant.
tbalaɣt : difficulté.
akerteṭṭan : crépus.
tamrilt : heure

Soyez le premier à commenter

Laisser un commentaire

Votre adresse de messagerie ne sera pas publiée.


*