Yal ccedda tetabaɛ-itt talwit (VI)

Γas akken Taninna teslek seg yiwet n twaɣit meqqeren, maca yekcem-itt waṭṭan n tnefsit*. Ur tezmir ara ad d-teffeɣ seg tewwurt ar berra armi i tsemmeḥ deg leqraya-s.
S wayen akk i as-yeḍran i Tninna, Dda Aɛli yella d yiwen yettmeyyizen* ɣef wayen yeḍran d wayen ara yeḍrun d wayen i izemren ar d-iḍru. Yekker-d ṣṣbeḥ yeẓẓul tafrara*, aẓɣal* yewweḍ ar 45 n tfesniwin*.

Ibedd-d deg tiɣilt ittmuqul*, iwala-t-id yiwen n umsebrid i d-iɛebban deg ufus aɛwin* ara yawi yid-s ɣer uxeddim. Yenna :
– Azul a lḥaǧ, aql-ak-id lla tettmuquleḍ ! D acu akka i twalaḍ ? Dda Aɛli i yellan tessɣer-it ddunit, tesserfa-t aṭṭas teswiɛt, yenna :

– Ttwaliɣ deg lḥal yerɣa ḥulfan-as medden merra, ttwaliɣ deg-s qessiḥ ! ttwaliɣ ɣef wudmawen tɣab taḍsa, ulawen iɣumm-iten usigna, ma d tasa tbubb lǧerḥ*, ttwaliɣ tudert ur tesɛi lḥanna*, bbehvan* medden akken llan, leḥzen yeqqen-as-d aɛmam* i lferḥ (01). Ttwaliɣ ayen walan medden merra deg-neɣ anwa ur n wala, lxiq iffeɣ-d ad imerreḥ.

Ttwaliɣ tafsut yellan ɣlayet nekkni nekkes-as lqima, tamettant yellan rẓaget nerra-tt amzun d cciɛa, tallit yellan berriket ad tɛeddi akk af tmurt. Yerra-as-d umsebrid, yenna :
– Ad yeṭṭef Ṛebbi i yugaren aya, ad ak yaɛfu Ṛebbi yaɛfu i lmumnin, ad d-yefk Yillu tagnit i wudem n win i tent-ixedmen (02). Dda Aɛli yerra-as :

– Ruɣ a mmi ad txedmeḍ ad k-iɛiwen Yillu, d temẓi i ixeddmen af temɣer (03).
Gaya icedhan Taninna, yezga yettnadi sebbat i yeǧǧan Taninna ur d-tettas ara s aɣerbaz* ; s waya iceyyaɛ-as tameddakelt-is Lehna ad as-d-tawi asal* n tidett. Lehna truḥ srid* i wakken ad tẓerr* Taninna anida i as-teḥka ayen i as-yeḍran.

Gaya yella yettraǧu s ccuq* meqqren Lehna akken d-tuɣal seg uxxam n Ferruǧa i wakken ad as-d-tawi isalen n Tninna. Mi d-tuɣal Lehna temlal akked Gaya anida i tessaɛlem s wayen yeḍran. Lehna ur tettu ara ɣef wasmi i d-truḥ yemma-s n Gaya iwakken ad tessebɛed Taninna fell-as.

Amawal :
aṭṭan n tnefsit : maladie d l’âme. Trouble du comportement.
Dda : n masc. Sing. nekkni neqqar Dadda neɣ Dda (signe de politesse et respect envers les ainés).
Yettmeyyizen : v.penser, réfléchir. Neqqar as deg uedya : « ameyyez qbel aneggez » (penser avant d’agir).
tafrara : n. fem sing. awal agi yuɣal nettut armi i ten-beddel s umeslay n tegnawit. Tura ṭuqten i iqqaren « lefjer » (al-faǧr) l’heure à laquelle les musulmans font leur première prière à la première lueur du jour (04).
aẓɣal : n masc sing. chalheur. Tura beddelen-t s wawal lḥamu. Akk-a s tegnawit n ubrid d tin n uɣerbaz.
Tifasniwin : n fem plur. degrés de température.
Ittmuqul : v. observer.Llan wanida is-qqaren yettwacaf i yettmuqul. Awal agi yussa-d deg tegnawit anida is-semman : icuff, neɣ cuff neɣ : regarde, observe !
aɛwin : n m sing. Provision, ration pour le trajet à effectuer, ou bien celui à prendre dans les champs lors des travaux, les labours, etc.
aɛmam (atabani) : n masc sing. Tissu blanc ou orange enroulé autour de a tête. Turban que portaient des Kabyles musulmans.
lǧerḥ : n masc sing. Blessure. Ajraḥ, blessé. Ijreḥ-it : il l’a blessé.
lḥanna : n. fem.sing. Tendresse, chaleur humaine. L’humanité, bonté. Ul-is i ČČur d lḥanna.
bbehvan : adj qual. Etre contrarié, troublé, révolté. Ici, il s’agit des gens. Amdan ara yeffeɣen i laɛqel-is zzat n kra yessexlaɛen, yessewhamen.
aɣerbaz : n m sing. D lakul s teqvaylit.
asal : n.m.sing : information, nouvelles. Usan-d isalen yelhan tameddit agi.
tẓerr : verbe voir à l’intensif. Dagi yelha-d d tmeṭṭut acku yella isekkil n « t ». Neqqar diɣen : iẓri, la vue. Tiẓri : offrande après avoir vu une presonne ‘(une fille candidate au mariage). Amedya : yefka Muḥend nneɣ tiẓri i Werdia Nat-Waɛli.
Ccuq : adj qual. Etat de manque, frustration. Amedya : aqcic n ccuq : le fils unique peut se nommé ainsi. Chose très désirée.
srid : direct, en direct sans report.

Lemɛani n ddunit :
01) Leḥzen yeqqen-as-d aɛmam i lferḥ : Dagi yebɣa ad d-yini belli yeɣli-d ayen ur nessefraḥ af umdan neɣ af tmurt. lemɛani akk am tigi ilaq ad kecment deg tsekla n tmaziɣt (taqvaylit). Wagi dayen yelhan i imaruyen nneɣ n uzekka.
02) « Ad d-yefk Yillu tagnit i wudem n win i tent-ixedmen » : Yillu yettqasas amdan iten-yettḥawalen, i ten-yettketiren, atg. Dag d dduɛa n yiwen af yiwen.
03) Temẓi i ixeddmen af temɣer : Wagi d aweṣṣi af yiwen akken ad yexdem af tudert-is anadam mazal-it meẓẓi, yeǧhed.
04) Illa yiwen wedlis i yura Salem Zenia i wumi isemma « Tafrara ».

Soyez le premier à commenter

Laisser un commentaire

Votre adresse de messagerie ne sera pas publiée.


*