Yelli-s n ugellid

Illa yiwen ugellid (agellid siwa Ṛebbi 01) yesɛa yelli-s tzad. Acu n zzin, acu n serr* : tecbeḥ*, tegrurez*, tɛubbej*, tekyes*, teḥrec* dayen kan. Γef aya, vava-s yeggul ur tt-yuɣ yiwen uterras* ḥalamma izad ula d netta. Tidet ! inexdaben ggten : deg ucrik* ar umerkanti, akk qesden-tt-id ad tt-awin. Maca vava-s iger-d limin s jmaɛliman : Ad tejweǧ d win i tt-yuklalen, i tt-yecvan. Ihi, agellid iceggaɛ ameddaḥ-is* akken ad yewwet amendayer i wegdud, yeqqar-as :

– Win yevɣan yelli-s n ugellid ilaq-as ad yesserwet annar, maca ur yettames ara.
Dɣa ilmeẓyen ivuren atan lla d-ttasen d izumal s annar i d-heggan imestuǧar i walmendad. Agellid s uvernus-is axitus, yeqqim a yessikid. Ilmeẓyen-nni ḥezmen-d akk : Arkasen, tiḍervuqin, nnwaḍer, icekkaren iḍarren nsen, iɛmamen i yixfawen nsen, atg,…

Maca kra n win iɛeddan yumes-d s takka d uɣebbar n userwet. Yiwen seg ilmeẓyen nni yeqqim d aneggaru neɣ d ungif. Ikker ar userwet, fiḥel acekkar neɣ aɛmam*, atg,… Am wiyaḍ amma ad wesxen iceṭṭiḍen-nsen. Mi i yfuk, yenna i ugellid :
– Ay agellid ameqqran (02), annar akka i yetterwat, ma d yelli-k win yebɣun yaɣ-itt !
Imi yesla ugellid i umeslay agi yendeh :
– S ya d afella kečč d agellid nekk d lewzir* inek, ay aḍeggal !

Amawal
serr : charme
tecbeḥ : belle
tegrurez : bien dessinée
tɛubbej : douée
tekyes : sage, sérieuse
teḥrec : intelligente
uterras : homme, un inconnu. Quand on ne connait pas quelqu’un on l’appellera dans la rue : ay aterras.
ameddaḥ : joueur de tambourin
ucrik : le valet, sous prolétaire. Win icerken s tiram, iḍes d llevsa-s.
jmaɛliman : comment juraient les Kabyles. Mačči am tura ttggallan “wellahi lɛaḍim”, “qqasem billah”, atg…am yergazen am tlawin.
aserwet : v. vanner.
lewzir : ministre
aɛmamn masc. Turban, chèche.
siwa : sauf, exception de…

Lemɛani deg awal :
01) agellid siwa* Ṛebbi : wagi qqaren-t kan d lmaɛna mara ttmeslayen yemdanen gar-asen.
02) Ay agellid ameqqran : mon seigneur. On le dit aussi pour désigner le Dieu de l’univers).

 

Soyez le premier à commenter

Laisser un commentaire

Votre adresse de messagerie ne sera pas publiée.


*